عازف بنير.ان قلبي 6

لدرجة كرهت نفسي عشان معرفتش اكرهك، كنت بقول يعني اسيب كل الرجالة دي كلها وأحب الشخص دا
لامس وجنتيها بكفيه وهو يستمع إلى حديثها يحتضنها بنظراته كرسام مبدع
وضعت يدها على كفيه الموضوع على وجنتيه ونظرت لشمسه قائلة بدموع
-كنت بتوجع قوي كل لما أشوفك؛ تخيل كل واحدة بتكون فرحانة وسعيدة وهي بتشوف حبيبها؛ وأنا الوحيدة اللي كنت بتألم كل ماأشوفك

❈-❈-❈
وضع جبينه فوق جبينها وآه خرجت من أعماق روحه ثم همس لها :
-كنت بحبك والله وكل ماأقرب خطوة كنتِ بتبعدي مليون خطوة، أنتِ كسرتيني قوي بجوازك من أخويا
هزت رأسها رافضة حديثه
-والله ماكنت أقصد ومكنتش اعرف أصلًا إنك بتحبني، كل الموضوع كنت قاعدة مع سليم وجالي رسالة، فهو حس بخوفي، وسألني وعرف موضوع أمجد وقتها، يعني كله صدف، لقيته بيمد ايده ليساعدني، خوفت ياراكان خوفت وكنت عاملة زي الغريقة اللي بتحاول تمسك أي قشاية عشان تنقذ نفسها

احتضنت وجهه وانسدلت دموعها كالشلال وتحدثت
-واحد مجرم بلاويه كتيرة، هددني بيكوا، قولت يمكن لما يلاقيني متجوزة واحد معروف ومسنود زي سليم يبعد عني، غير ماكنتش أعرف أن فيه مشاعر، مجرد احساس وكنت بكذبه، وأنا بشوفك في حــ . ــضن دي وحــ . ــضن دي
أزال دموعها وسحقها بأحضانه قائلا
-إنسي ياليلى خلاص الي حصل حصل، بكت بنشيج وارتفعت شهقاتها

-كنت مستني مني ايه وانا رايحة احكي لحبيبي وهو بيقولي عايزك التمن، وقتها بس حسيت انك كسرتني، ضــ . ـربت قلبي بمليون جزمة ودوست عليه وقولت مستحيل أرجع ابص في وشك
خرجت من أحضانه ناظرة إليه
-بس برضو مقدرتش، كنت عامل زي الأدمان بالنسبالي، حبك بيسيطر بطريقة غريبة، لحد يوم فرحي وأنا حاسة اني بمــ . ــوت مش بتجوز.أمسكت كفيها واردفت

-بأيدك دي جيت وقدمتلي شبكتي وانت بتضحك وكأني مش فارقة معاك، بإيدك دي روحت عملت فرح وشهر عسل في أفخم الأماكن وانا بتقطع من جوايا، كان لازم ادوس عليك وأكمل حياتي، ودا الي حاولت اعمله، حاولت اكون زوجة صالحة وماأخنش جوزي، ورغم من محاولاتي الا دايما نظرات سليم ليا كانت شك معرفش ليه مع إني حاولت بكل قوة إني مضعفش لمشاعري
حتى ليلة دخلتنا لما سليم.

..هنا وضع كفيه على شفتيها وتحولت نظراته العا .ـشقة إلى غاضبة قائلا
-بس اسكتي متكمليش، مش عايز أسمع حاجة، الي حصل حصل، ودلوقتي إنتِ ملكي انا وفي حــ . ــضني أنا
رفع ذقنها بعدما نظرت للأسفل بعيدًا عن غضــ . ــبه
-ليلى ممكن متعرفنيش، بس أنا لما بحب بغير بجنون، وغيرتي صعبة ومؤذية، مش مرض ابدا، لا دا عشق، وأنا عشقتك مش حبيتك بس

انا كان بيجي عليا أوقات كنت عايز ادخل امــ . ــوتك عشان ارتاح من نــ . ــار قلبي الي شعلتيها، مرتحتش لما بقيتي ملكي، فعايز أعرفك حاجة
-" طول ماأنا بحبك مستحيل اطلقك" حتى لو إنتِ طلبتي من الآخر عايزك تفهمي حبي بيكون صعب جدًا
وضعت رأسها في حــ . ــضنه وتسائلت
-يعني حاسس بيا ياراكان، حسيت قد إيه بتعذب لما بشوفك مع نورسين وغيرها
ضمها بقوة مقربها إليه حد الإلتصاق