فراشة في جزيرة 2

نظرت له بطرف عينها وهي لم تسامحه بعد ثم تقدمت تقول:
-فسح كده شويه
-نعم؟!
-فسح إتاخر خليني أشوف يمكن أساعدك
ضحك ساخراً ثم قال:
-تساعديني...بس يا ماما وروحي اعملي لي قهوة بدل الي بردت دي

سحبت نفس عميق تتفهم إهانته ثم تقدمت تضغط بأناملها تعيد ترتيب الأرقام في بعض الخانات وتعدل خانات أخرى وكلما فعلت خطوة وصححت نتيجة كانت عينا عاصم تتسع بإنبهار حتى أطمئن نسبياً وأفسح لها المجال كما طلبت وألتقط قهوته يرتشفها وهو يتابع ما تفعله حتى انتهت من موازنة قسم كامل بنتيجة صحيحة ثم رفعت رأسها له بفخر تسأل:

-همممم...أيه رأيك
-طب ازاي؟!!! قوليلي أزاي؟!! المفروض انك بتاعت قهوة ونسكافيه.
-أنا خريجة تجارة أصلا ولحد قبل ما أجي شركتك بيوم كنت بشتغل في مكتب محاسبة
-وايه الي يخليكي تشتغلي في البوفيه وأنتي أصلا شغاله شغلانه أحسن.
-لأن شغلانة البوفيه هنا مرتبها أحسن من شغلانة المحاسبه في شركة في شقه صغيره في وسط البلد...ده كنت بدفع المرتب يادوب مواصلات وقطار.
ذم شفتيه يردد:
-لأ بس أنتي شاطرة بجد
-تشكر ...سلام بقا
همت لتتحرك فهتف بلهفه:

-خدي يابت استني
-بت امًا تبتك ما تلم نفسك
-تعالي اقعدي هنا كملي الموازنة
-مقابل؟
-أنتي يا بنتي مافيش حاجة بتعمليها لوجه الله
-بجهز قولت لك
-ايه لسه ماجبتيش التلاجه أم حنافية؟!
أبتسمت ببلاهه وسعاده حقيقية ترد:
-لأ جبتها...تحفه..تحفة
لكن عادت تعبس من جديد وقالت:
بس محتاجة أجيب أير فرير
-الي بيقلي من غير زيت ده مش كده
-هو
سحب نفس عميق ينظر لها بيأس ثم قال:
-هديكي الي أنتي عايزاه بس تعالي نكمل
-ماشي.

__________سوما العربي________
تقدمت أنجا تسير بمحازة الوزير الأعظم وهي تسأل بإستنكار:
-ماذا يعني حديثك؟
-حديثي واضح سيدة أنجا؟ ماذا جرى لكي لقد كنتي مثال للنباهه والفطنه ولا اعلم سبب إستنكارك وقد سمعتي الملك وهو يقر بنفسه منع عادات وئد الفتيات في كل القبائل وسن قوانين تحافظ على حقوق المرأة في جميع أنحاء المملكة.
جزت على أسنانها بغيظ مردده:

-ظننت انه حديث مقترح أو مجرد حالة خاصه ستطبق على تلك الفتاة صاحبة الحادث لم أكن أظن ان الأمر قد يصل لسن قوانين...إنها تلك اللعنه التي حلت علينا منذ قدومها ...هي السبب...هي السبب.
توقف الوزير وقد تجعد ما بين حاجبيه وسأل بغرابة:
-أنا مستغرب وضعك جدا سيدة أنجا ،كنت أعتقد ان خبر مثل هذا قد يفرحك لأنه يخص جنسك الناعم .
هزت أنجا رأسها بأسى ويأس ثم قالت:

-ليست تلك هي المعضلة،الأمر أكبر من ذلك بكثير..إنها كارثة ...لن تفهمني..لن تفهم
-ومنذ متى وأنتي مفهومة سيدة أنجا ..أنتي لغز كبير صعب حله..على كل لنا حديث طويل بعد عودتي مع الملك بعد عشرين يوما ان شاء الله.
-ولما كل هذه المدة؟
-زيارات سياسية هامة، الملك منذ شهور لم يذهب في جولة سياسية، ويجب الترتيب لها جيداً.
هزت رأسها بتفهم لكن بداخلها قلق كبير جداً لا تعلم سببه