. وعلى العموم أنا اعتذرت لصديقي.. بس مش هصاحبه تاني لانه طلع مش كويس
ابتسم لولده واضعا يـديه بخـصلاته الغزيرة
- يعني كبرت يااستاذ ومش عايز بابا يساعدك تمام
في غرفة صهيب بالقاهرة
يجلس بالشرفة يتناول قهوته والحزن يخيم على وجهه... اتت وجلست بجواره مربته على ظـهره
- هتفضل لحد إمتى كدا ياصهيب
تنـهد بوجع وحزن بآن واحد متوجها لها
- أنا حاسس إني بقيت يتيم يانهى... ضـهري اتكـسر بدري أوي... الزمن غدر بيا بوجع مش هقدر اشفى منه
جلست على عقبيها امامه ممسكة بوجه
- ليه بتقول كدا ياحبيبي... أنا عارفة مصيبتنا كبيرة... بس ربنا مفيش أحن منه.. صمت هنيهة وأردفت
- صهيب هو انتوا دفـنتوا جواد فعلا.. يعني شوفته
مـسح على وجهه مرجعا خـصلاته للخلف
- محدش رضي نكشف وشه... وكمان.. وقف فجأة وبدأ يدور حول نفسه
- أنا إزاي حاجة زي دي تفوتني... ايوة صح
مستحيل يكون هو... وقف وقام بتغيير ملابسه سريعا
اتجهت له نهى وتسائلت
- رايح فين ياحبيبي دلوقتي
رايح اسكندريه ضروري... غزل عندها سر اختـفاء جواد
قطبت جبينها وتسائلت
- سر اختفاء جواد... صهيب إنت خرفت
هو جواد... قاطعها
- فيه حاجه غلط ودي لتكون عند غزل ياإما عند باسم اللي محدش يعرف عنه حاجة هو كمان
يعني هتروح اسكندرية الساعة اتناشر ياصهيب
- نهى لازم امشي... لو اللي بفكر فيه صح... صدقيني عمري ماهسامحه... لو عرفت انه عايش وسايبني كدا
امـسكت يـديه
- حبيبي متنساش خناقتك مع غزل... وكمان عمها اللي محدش يعرف عنه حاجة... اهدى وبلاش تتهور
تحرك مغادرا
- لازم اروح... وبعدين متخافيش هاخد بالي كويس
أوقفته: صهيب غزل مش عايزة تشوفك بلاش تسبب في أزمة نفسية وهي حامل
ملـس خـدها
- حبيبتي متخافيش أنا هعرف أتصرف واشوفها برضو عاملة إزاي بعد مابقت بطيخة
❈-❈-❈
أمام فيلا الألفي ببعض الكيلومترات تقف سيارة موازية لمدخل الفيلا
رآها صهيب ورغم ذلك تحرك مغادرا إلى المطار
في فيلا حازم
- حازم ليه سبنا غزل في الظروف دي لوحدها
آجابها وهو ينظر لجهازه المحمول
- عندي إجتماع مهم الاسبوع دا ومدام نغم عايزة تاخدها عندها أهو تغير جو... بتقول ولادها بيحبوها وهي ارتبطت بيهم
في غرفة حسين
جلس يقرأ آيات الذكر الحكيم... رن هاتفه برسالة عبر الانترنت
- بابا حبيبي عامل ايه... بطلك بخير
ابتسم بإشتياق لولده البكري... دعا له
- ربنا يحميك يابني إنت وكل اللي زيك.. وميحرمنيش منك
يارب هو اللي يدفــ,,ـــــني مش أنا اللي ادفــ,,ـــــنه
ربي عبدك ضعيف على ابتلائه فهونه عليه
في شقة غزل
تنام بأحـضانه بعمق... يطوقها بذراعيه مملـسا على وجهها وينظر لها ويحتـرق داخليا كلما تذكر حديث صهيب لها
- ياترى ليه قولت كدا ياصهيب لغزل... حاول التنفس عندما شـعر بالاختناق لمجرد الفكرة نفسها... تألمت بنومها... علم إنها لم تستطع النوم بهدوء بسبب حملها جلس متكأ بظـهره للتخت جاذبا إياها لساقيه لتنام بعمق على جنبها اليمين مربتا على خـصلاتها حتى تتعمق بهدوء نومها.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.