تمرد عاشق 5

- ابوكي كان بيحب والدتك جدا لدرجة الجنون... والدكاترة منعوها من الحمل بعد مو. ت اخوكي اللي اتولد مع جواد وحازم
رفعت نظرها وتسائلت
-هو كان كبير ياعمو، جاسر قالي ليا اخ قبله، اتولد بعد حازم بخمس شهور، بس مات معرفتش ليه
مسد على خصلاتها
-اه حبيبتي، كان فيه ولد اسمه علي، مات وهو عنده سبع شهور، كان اد حازم وجواد كدا، مامتك تعبت بعد ولادته، وخالتك حسناء هي اللي رضعته، كان حلو اوي، بس ربنا مااردش ومات وهو عنده سبع شهور، وكمان والدتك حالتها وتدهورت وطالبوا منها متخلفش تاني، فضلت خمس سنين لحد ما حست أنها بقت كويسة، وطلبت من ماجد تجيب ولاد بس هو رفض خاف عليها.

. بس ازاي هي ترفض تشوف سعادته بالولاد... حملت في جاسر... طبعا ماجد إضايق جدا وفضل يزعقلها علشان كان خايف عليها... قالها كدا قدامي

أنا اكتفيت بيكي وربنا ماأردش يكون ليا ولاد الحمدلله على كل حال
❈-❈-❈
بس هي طبعا رفضت كلامه وخصوصا بعد ماخلفت جواد وصهيب... زعلت حست فرحته ناقصة... الولاد كبروا وهي بقت حزينة كل ماتشوفهم بيجروا عليه ويقولوله بابا ماجد وكمان حازم كان معهم
بعدها راحت لنجاة وقالتلها عايزة أشيل مانع الحمل دا يانجاة واللي ربنا كاتبه هيكون
نجاة زعلت على حالتها وخصوصا لما خالتك حسناء بقت تبعد عنها بسبب شغلها

نجاة كانت طيبة وعايزة تشوفها سعيدة أخدتها وراحوا للدكتور وبعدها فعلا حصل حمل في جاسر... أنا وقتها شوفت فرحة لا توصف على ملامح ماجد لما شاله بين ايديه وضمه لحــ,,ـــــضنه وقتها بس عرفت ان ماجد كان هو بيحاول يفرحها بس..
هي لاحظت فرحته وحمدت ربها على وجودها في حياته... بس الدكاترة منعوها من الحمل مرة تانية علشان ولادتها كانت متعـسرة
بعدها بكام سنة جاسر كبر وبقوا الاربعة اخوات يشرحوا القلب.. نظر لها واكمل مردفا:

: جواد كان عامل عليهم كبير رغم حازم كان في سنه بس جواد كان له طبيعته الخاصة بيحب يفرضها غير حازم هادي...وقتها جاسر اتعلق بجواد جدا بينهم اكتر من خمس سنين فكان جواد بيعرف يحميه كويس...أما صهيب كان متسرع في غضبه جدا..وبعدها سيف شرف على الدنيا وجاسر كبر، وبقى يقرب أكتر من جواد... بعد كام سنة عرفنا إن حنان حامل فيكي

طبعا كان صدمة للكل علشان أمك كانت بتشتكي من مشاكل فى القلب.. مرديتش تقول لابوكي إلا لما كملت شهرها الخامس وبدأت بطنها تكبر... ماجد اتجـنن وقال الدكتور مانعك من الاجـهاد رايحة تحملي... وزعل جدا منها...
زفر بضيق وتذكر حديث ماجد له
- جالي قبل ولاد تك بيوم وقالي حنان تعبانة جدا... أنا بفكر اخلى الدكتور يولدها حتى لو هنخسر الجنين... طبعا أنا رفضت وقولتله مستحيل حرام واللي ربنا رايده هيكون