جاريتي 3

- متقلقش المدام زى الفل و الدوخه و الاغماء شيء طبيعى للى زيها
نظر له سفيان بحيره فاكمل قائلا
- انا كتبتلها شويه فيتامينات مهمه فى المرحله دى ... ولازم تتابع مع دكتور نسا .قال سفيان بعصبيه
- انا مش فاهم حاجه هى عندها ايه
ضحك الطبيب وهو يقول
- مبروك يا ابنى ... المدام حامل
ظل صامت ينظر للطبيب وكأنه يتكلم بلغه اجنبيه لا يفهمها ولكن حين ربت الطبيب على كتفه وقال

- هى فاقت وعايزه تشوفك
تحرك سريعا ليدخل الى الغرفه وظل ينظر اليها وعلى وجهه ابتسامه سعاده وحب
تقدم و وقف بجانبها وجثى على ركبتيه وهو يقبل يديها ....وهو يقول
- الف مبروك يا حبيبتى ... يا احلى مامى فى الدنيا
ابتسمت فى سعاده وهى تجيبه قائله
- الله يبارك فيك يا احلى بابى .عادت من ذكرياتها لتقول لسفيان
- فاكر يوم ولادتهم .... وجنانك على الدكاتره

ضحك بصوت عالى وهو يقولـ,ـ
- ناس بارده جدا انت بتتوجعى ... وهما رايقين رايحين جاين بهدوء ... وانا كنت على اعـ,ـصابى ..ومش مستحمل ألمك .التفتت اليه وهى تقول
- هو انا قولتلك النهارده انى بحبك .ضـ,ـرب انفها بإصبعه وهو يقول .- امممم مش فاكر بس مفيش مانع تقوليها تانى .ضحكت وحتضنته وهى تقول
- بحبك يا سيفو .

كانت مريم تحمل طفلتها خديجه ووضعتها فى حوض الاستحمام وهى تغنى لها
يا خارجه من باب الحمام
وكل خد عليه
خوخه خوخه خوخه
فتضحك خديجه بصوت عالى .....فقالت لها مريم
- يلا يا حلوه علشان تلبسى ونروح لأختك
فقالت خديجه
- هطلع اقعد مع اختى مريم .ضحكت مريم وهى تقول
- لا يا حبيبتى لاختك الكبيره مهيره ... وتلعبى مع فجر وادم .

كانت تلبسها ملابسها حين دخل عادل الى الغرفه لتقول خديجه سريعا
- غمض عينيك يا بابا انا لسه بلبس .ليضحك وهو يغمض عينيه ويقول
- حاضر يا ست خديجه
واغمض عينيه وهو يقول كل دقيقه
- خلاص ...... خلاص
لتضحك بصوت عالى وهى تقول
- خلصت .... فتح عينك
ليفتح عينيه ويتقدم منهم وهو يقول
- وحشنينى يا قلبى لتنظر له مريم
فيغمز لها وهو يقول

- يا قلب بابا
لتضحك وهى تقول
- ما هو خلاص بعد ما جدت خديجه مبقاش لمريم لازمه ليحمل خديجه .. ويتجه لمريم وهو يقول
- ماما زعلانه مننا ولازم نصالحها
وظل يقترب منها و خديجه تضحك وتحرك يديها فى الهواء بطريقه مضحكه وكانت مريم ترجع الى الخلف
وهى تضحك حين استمعوا لطرقات على الباب لتنزل خديجه من حــ,,ـــــضن ابيها لتفتح الباب

لتجد مريم تقفم امام الباب وهى تقول بابتسامه خجله
- تعالى العبى معايا .لتقول خديجه بصوت عالى
- بابا
ليخرج عادل من الغرفه وهو يقول
- اطلعى يا حبيبتى وانا جاى معاكى على ما ماما تلبس ..ونظر لمريم وغمز لها وهو يقول
- مش عايزه اى مساعده متأكده .لتضحك وتهز رأسها بلا فيقول وهو يلوى فمه
- انت الخسرانه
ليستمع لضحكتها قبل ان يغلق الباب