وسقطت الاقنعة 4

. بس
اومأت زهرة برأسها و قالت بهدوء
- ماشي
التفتت ريحانة و اتت ان تصعد و لكن اوقفتها زهرة مرة آخرى بقولها
- عايزه اقولك حاجة يا انسه ريحانة
- اية؟- السيد عبد الخالق
قضبت ريحانة حاجبيها و قالت
- انتي تعرفيه؟- ايوة ، اعرفه
- امم ، طيب .. ماله؟بلعت زهرة لعابها و قالت بحزن
- مــ,,ـات ، السيد عبد الخالق مــ,,ـات
إتسعت مقلتي ريحانة بصدمة و من ثم امتلأت حدقتيها بالدموع و هي تقول ببطء و عدم تصديق

- م..مــ,,ـات بج...د!أومأت زهرة بأسف ، فسالت دموع ريحانة على وجنتيها و هي تقول بصوت اوشك على البكاء
- فينه؟- دفــ,,ـنوه
- فين الشيطان؟- في جناحه
التفتت ريحانة سريعا و صعدت السلم حتى وصلت للطابق الثاني ، فتوجهت إلى جناحه بخطوات سريعة و سرعان ما تباطئت امام جناحه و هي تفتحه ببطء ، توقفت و هي تنظر له بحزن و ألم فرؤيتها له بتلك الحالة تألمها ، تقدمت منه بخطوات بطيئة حتى توقفت امامه ، جــ,,ـثت على ركبتيها و هي تنظر له بحزن ، و من ثم قالت بخفوت

- كفاية شرب
انتبه لوجودها ، فألتفت برأسه و نظر لها لوهله قبل ان يعود و ينظر امامه و يحتسي الخمر ، فمدت كفها و اخذت الكوب منه و قالت بحزن
- انا عرفت ، زعلت جدا و....قاطعها بقوله العدواني
- اخرجي برة ، و هاتي دي
قال الأخيرة و هو يأخذ الكوب منها و يحتسيه ، فرمقته بضيق و قالت بإنزعاج

- على فكرة غلط اللي بتعمله دة ، مينفعش تشرب عشان تنسى ، المفروض...قاطعها ببرود
- ملكيش دعوة بيا ، مش انتي اللي هتقوليلي اعم...قاطعته بحنان و هي تنظر لحدقتيه
- لا انا اللي هقولك ، و انا اللي هواسيك مش اللي بتشربه دة
بعد ان انهت جملتها احاطته بذراعها و ضمته بحنان و هي تهمس في اذنه بدفئ

- عارفه انك زعلان ، فمش لازم تخبي ، عيط لو عايز ، عيط
مسحت على ظهره بكفها بحنان ، فضمها بقوة و هو يخفي وجهه في عنقها ، و من ثم شعرت بدموعه الساخنة تجري على عنقها .

رواية " وسقطت بين يدي شيطان "
قلم: مي علاء
الفصل الرابع و العشرون

سالت دموعها على وجنتيها لأجله ، فهي لأول مرة تراه متألم لدرجة البكاء ، تتمنى لو تستطيع ان تنتزع حزنه و ألمه الذي يشعر به الآن ، تريد ان تراه كما كان ، فهذا بالنسبة لها افضل من ان تراه ضعيف هكذا . مسحت دموعها بكفها و قالت بصوت متحشرج حنون ، دافئ
- انا جمبك ، انا هفضل جمبك علطول و مش هسيبك ، وعد
سمعت صوته الباكي

- كنت هحققله اللي بيتمناه ، بس هو راح .. راح
- راح لمكان احسن .. صدقني
تنفست بعمق و هي تطبق جفونها و تفتحهم و تقول
- جدو كان طيب ، حقك تتعلق بيه زي ما انا اتعلقت بيه ، كنت بعتبره جدي
إبتسمت بحزن و قالت
- تعرف .. لو شافك دلوقتي و في حالتك دي كان هيفرح ، هيفرح مش شمــ,,ـاته ، هيفرح عشان عرف انك بتحبه .. انك كنت بتعتبره حاجة كبيره في حياتك ، اكيد هو عارف انك بتحبه .