وهم الحب 2

براسك لحد مهما كان مكانته ،،،وخدي حقك بتعبك وثقتك بنفسك ،،،دا اللي هيفرحني بيكي
دمعت عيونها من كلماته فهي شعرت بان والدها الذي أمامها وليس استاذها الذي تكن له الاحترام ،،،،
نغم :انا بجد بحمد ربنا واشكره على وقوفك جنبي ،بحمده اني قابلت شخص عظيم زيك ،،،،
محمود :طيب أمسحي دموعك الغاليه دي واطلبي منه انك تلاقي زوج حلو زي ،،،،

ضحكت نغم على طريقته ،،،مااعتقدش يااستاذي ،،،
محمود :لا فيه وبكرة تلاقي الأحسن كمان ،،ودلوقتي هسيبك تتعرفي على مكتبك ،،،انا هروح ،لاني تعبت وانتي عارفه لولاكي مكنتش جيت ،،،ودعته نغم بعد شكره كثيرا،،،،
خرج محمود بعد مالاحظ دموعها التي تسقط بغزارة ،،وحاول معها حتى يثبت لها انه دايما سيكون لها العون والسند،،،،،
بعد خروج محمود ،، جلست نغم تتذكر اول اول يوم وصلت فيه الإسكندرية ...فلاش باك

نغم :ماما احنا هنسيب بلدنا اللي اتربينا فيها وهنروح فين ،،،،ماما مش عايزة اسيب المنصورة ،،،،
نبيلة :لازم نمشي من هنا ياحبيبتي، علشان لو فضلنا هنا مش هتحققي أحلامك اللي رسمتيها، ،،مفيش حد هيساندك ،والدك مش موجود وكمان عمك سافر ،وانتي شوفتي مرات خالك عملت لك فضيحة ،،،اسمعي كلامي يانغم ،،انا اكبر منك واعرف عنك ،،،وبعدين احنا هنقعد هنا لمين ،،،،

نغم :بكرة يوسف يرجع ،ويوقف لهم هو وعدني، انه مش هيسبني ،،سافر يظبط أموره ويرجع ياخدنا ،،انتي نسيتي ياماما ،،،،،
نبيلة :نغم اسمعي كلامي ،يوسف مش هيرجع دلوقتي، ،،وبعدين مامته هتوقف له متحطيش عشمك فيه يابنتي ،،،اهم حاجة دلوقتي نتيجتك وقت ماتظهر، لازم تعرفي انتي ناويه على ايه ،،،يعني لو مجموعك جاب هندسة ،هتعملي ايه ،،،ولا اخليكي هنا وتتجوزي تامر ،،،،،

نغم :لا تامر لا ،،،انا وعدت يوسف ياماما ،،،،امسكت نبيلة بوجه ابنتها ،،حتى يوسف دا شيليه من دماغك ،،،انتي لسه طفلة ومش عارفة حاجة ،،،وبعدين ياستي ليا عليكي لو جه وانتي لسة بتفكري فيه انا مش هقف قدام سعادتك ،،،،
حضنتها نغم وقالت ،ربنا يخليكي ليا ياأجمل ماما في الدنيا،،،،بس احنا هنروح على فين

نبيلة :اسكندرية ،،،بابا كان شاري شقة صغيرة هناك وعامل لكم مفاجأة اننا ننزل نقضي الصيف كله هناك ،بس اهو القدر اخده مننا ،زي مايكون ياحبيبي كان حاسس ،كل شوية يقولي تعالي علشان تشوفيها ،،وهي مرة وحيدة اللي رحت معه ،،،وكانت الاولى والاخيرة ،،،،بس الشقة حلوة وقريبة جدا من البحر هتعجبك ان شاءالله، ،،،
نغم :انا بحب اسكندرية جدا ،،وكان نفسي اروحها ،،،،

جاء الصباح ،وخرجت نبيلة وبناتها ،بعد ماوقفت أمام اخوها ،،،انت ومراتك ظلمتوني انا وبناتي ،،واهو خارجة وسيبهالك ياسندي من بعد جوزي وابويا ،،،ثم تركته وغادرت دون كلمة واحدة ،،،،،
قاطع شرودها في ذكراها الاليمة عبدالغني ،،،،،
جاهزة يانغم يابنتي ،،،،،اجابته :ان شاءالله يااستاذ عبد الغني ،،،،،
عبد الغني:اول اختبار البشمهندس طالب ،،ميزانية للمشاريع دي ،عايزك تعرفي بنعملها ازاي ،،علشان لو جه طلبها في وقت وانا مش موجود تعرفيه او تبعتيها له ،،،انا عارف حساسية الموقف ،الدكتور حكالي ،بس بقولك لو اضطريت ،،،الملفات دي سريه طبعا ،،،