وهم الحب 2

نبيلة :بس انا معنديش اي حاجة وانتي عارفة البير وغطاه ،،انا يدوب بغطي مصاريف البيت ،،ومش عايزة احسس نغم بحاجة انتي عارفة انها كل شوية بتطلب تشتغل وانا اللي رافضة دا لما تكمل جامعتها ،،وكمان القرض اللي جبته علشان المكن لسه نصه مندفعش وبدأت تبكي على رزقها ورزق بناتها،،ربطت سناء على يديها وقالت :خلاص يانبيلة ربك هيدبرها ماتكليش هم ياحبيبتي
في هذه الاثناء كانت تجلس نغم بحجرتها شاردة حزينة تبكي ع ماوصل بها الحال

الا ان جاءت اليها فكرة ، قامت نوت الذهاب لعل ذلك يساعد والدتها ولو قليل............بعد ذهاب سناء صديقة نبيلة ،،دخلت نغم لوالدتها ،،وجدت والدتها نائمة ،،أو كذلك ادعت هي
خرجت نغم قامت بالاتصال على صبا :
انا مش هاجي النهاردة ،،بس كنت عايزة أسألك على الشغل اللي كلمتيني عليه ،،
صبا :للأسف واحدة استلمته من يومين يانغم ،ماانا قولتلك وانتي قولتي مامتك رفضت ،،،،،.نغم :خلاص ماليش نصيب ،انتي عاملة ايه في الشغل مرتاحة ،،،

صبا :يعني ،بس خالد خنقني جدا ،،وكل ماتكلم مع أي حد ،كأنه عايز يخنقني ،،،ضحكت نغم كثيرا على صديقتها الهبلة زي مابتقولها ،،،الحب ولع في الدرة ياصبا ،،خلودة بيغير عليكي
صبا :تفتكري يابت يانغم البارد دا عنده نار يغير بيها ،،،
دا انا بقول نحط فيه الحاجات مكان التلاجة
ضحكت نغم كثيرا على صديقتها ،،،مش بقولك هبلة

صبا:والله انا مظلومة يانغومة ،هو اللي ابو جلمبو، ،وكل شوية انتي ياانسة مالكيش دعوة بحد ،،وبطلي ضحكك اللي من الودان للودان، جاته دايه في حلاوته ،،،يوه نستيني دخلت في سي خالد ونسيت أسألك مجتيش الجامعة ليه ،،،البت فريدة قاعدة زي اليتيمة مش عارفة تتعامل معايا....حزنت نغم عندما ،تذكرت ماحدث اليوم لوالدتها ،،،ولكنها أجابت صبا:تعبانه شوية ،،،وسهرت بعد مارجعنا شوية ،فمقدرتش انزل الصبح الجامعة

صبا :الف سلامه عليكي حبيبتي، ،،هي صراحة الحفلة والسهرة كانت حلوة اوي ،،،بس انا اتغظت من البنت اللي شعرها احمر دي ،،معرفش ليه ،،،
نغم :طول عمرك وانتي متغاظة يابت ،،،انتي مالك ومالها ،،،
صبا :يانهار يانغم ،شوفتي حضنت المز ازاي ،قدام الكل ،،،بس على فكرة هي معذورة برضو ،،،تعرفي كنت على هفوة واروح اقوم بالمهمة دي وظلت تضحك ولا تعلم بكلماتها هذة أشعلت نار بداخل نغم بدأت تخمدها او هكذا ادعت ،،،دمعة شريدة سقطت من عيونها الجميلة ،،عندما تذكرت نظراته لهذه الفتاة

ماذا فعلت ياقلبي ليكون من نصيبك هذا الألم
قاطعت شرودها صبا قائلة.....ايه يانغم انتي معايا ....نغم :اه حبيبتي معاكي ،،،بس افتكرت حاجة
صبا :ايوة عرفت افتكرني حضن المز اللي وقعتي فيه
نغم :هتفضلي تافه ياصحبتي،بقولك عدي عليا ،،علشان اشوف محاضرات النهاردة

في صباح اليوم التالي استيقظ ريان ظهرا ،،بعد ان أتت والدته وبدأت تستيقظه،
جميلة :ريان حبيبي، ،قوم ياله ،،الظهر اذن ايه مشبعتش نوم ،،ثم قامت بفتح ستائر الغرفة ،،،آفاق ريان ولكن كان يستحوز النوم على وجه وظل مغلق العينين ،ثم تحدث إلى والدته وهو جالس على فراشه :صباح الخير ياست الكل ،،،هي الساعة كام دلوقتي