وهم الحب بقلم سيلا وليد

نبيلة :انا حطيت كل الفلوس في الشقة والمكن، ،مش عارفة هتصرف ازاي لنجيب القماش ،،
أجابتها سناء:_،،سبيها على ربك وهو هيدبرها من عنده ،،
حزنت نبيلة كثيرا فلو زوجها موجود لما حدث معها كل هذه المشاكل ولكنها فوضت أمرها لله
انتبهت سناء لها :بقولك يانبيلة انتي ممكن تاخدي قرض على الشقة دي وانا معايا شوية دهب وشوية فلوس كنت مخبياهم لجهاز بنتي ،،ونكبر شغلنا حبيبتي، ،واهو رزقنا يتحسن شوية ،،

انتبهت نبيلة لحديثها:تفتكري هيرضوا يدوني قرض لكدا ،،
أكدت سناء لها :ياحبيبتي اهم حاجة عندهم تسدي القرض ،،أو يكون عندك مايغني القرض ،،
امأت لها نبيلة برأسها... هشوف كدا وربك يعمل الصالح ،،ثم رجعوا لعملهم
.................
نذهب لمكان بعيد جدا وهي لندن ،،هذه البلد التي يعمل بها بطلنا، ريان محمود المنشاوي وابن خاله في شركتهم الخاصة ،،دخل عمر إلى ريان :
ايه يابني مش ناوي تروّح انا تعبت وخلاص عايز ارتاح شوية ،،احنا كدا من الساعة عشرة

ريان :انت ناسي عيد ميلاد مرام بعد اسبوع ولازم اخلص كل الشغل المتأخر،...قبل السفر، ،ولا انت مش ناوي تسافر
تذكر عمر تلك الرقيقة ابنة عمته وكيف كانت تعشق المذاكرة معه ،،ولكنه يعشقها كأخت ليس إلا
انت ناوي تسافر على عيد ميلادها ولا قبله
ريان :انا مش هقدر اخلص الشغل اللي المطلوب مننا قبل اسبوع ،،بس هحاول احضر ،،لأنها زعلت مني علشان محضرتش عيد ميلادها اللي فات

عمر :خلاص انا هكلم سها واعرفها ،،لأنها عايزة تيجي وانا بأجل سفرها ،،
قاطعه ريان :لا متقولهاش حاجة ،،ممكن يحصل حاجة ومانعرفش ننزل ،،ولو عرفنا عايز اعمل لها مفاجأة،،روّح انت دلوقتي وانا هخلص مراجعة المشروع دا وهلحقك
عمر :خلاص اوكيه ياكبير ،،بس فيه موضوع لازم نتكلم فيه ضروري ماشي ،،،
عقب ريان :فيه حاجة ولا ايه ،،حاجة خاصة بالشغل يعني
عمر :لا ابدا ،،خاصة بيك انت وسها ،،بعدين لما تخلص نتكلم سلام.....

بعد انتهاء المحاضرة عند نغم
غادر الدكتور إلى مكتبه وكانت نغم تذهب خلفه ،،للجلوس معه كي يشرح لها بعض اشياء في موادها الأخرى، ،فهو يعتبرها كابنته مثلها مثل مرام
وفي أثناء اندماجه في الشرح معها دخلت مرام إلى مكتبه سعيدة بوالدها الذي يعشقه طلابه

مرام :السلام عليكم دكتوري العزيز ،،
كان دكتور محمود مركز مع نغم ولكنه انتبه إلى صوت قرة عينيه
دكتور محمود:حبيبة قلبي تعالي هنا ،،انتي ايه خلصتي محاضراتك ،،ردت مرام ايوة يابابا فقولت اعدي عليك نروح مع بعض عربيتي عطلانه

دكتور محمود :طب تعالي هعرفك على طالبتي النجيبة
ردت مرام سريعا لا متقولش ان دي نغم يابابا
نظرت اليه نغم باندهاش:حضرتك حكيلها عني
دكتور محمود :اكيد طبعا وكنت عايزكم تتعرفوا على
مرام :انا سعيدة جدا يانغومة اني اتعرفت عليكي وهنكون صحاب كمان ايه رأيك، ،،سعدت نغم كثيرا بها
وردت متيقنة:_ اكيد انا أطول يكون بنت استاذي صحابتي ،،،ثم جلسوا سويا يتناقشون في حل بعض المسائل الموجودة في مادة المحاسبة