ايه الفارغ اللي بتقوليه ده يا "زينب " طول عمر" ميلا " في حالها والكل يشهد
باحترامها وأخلاقها .......انتي شكلك كبرتي وخرفتي وإلا ايه .....قالتها الجاره "اعتماد "
مصمصت بشفتيها وهي ترفع حاجبها لأعلى واردفت بتهكم
_ ومن يشهد للعروسه ......ما انتي صاحبه أمها الروح بالروح يا "اعتماد "
الحلوه دي..... وأشارت نحو" ميلا " مااكله أمها الاونطه وهي مقضياها مع الدكتور الابهه اللي
ماشيه معاه وشكله كده مبسوط منها اووووي، معلوم كان هيمو. ت ابني علشانها تسميه ايه ده
وضعت أصابعها على شفتيها المرتجفه وهي تهز رأسها نافيه وصرخت بقوه
_ربنا ينتقم منك .......انتي وابنك أنا مش كده ازاي تتهميني بالباطل و تقولي كلام زي ده
أنتم لا يمكن تكونوا بني آدمين ،اوعى تجيبي سيرتي على لسانك القذر ده يا شويه حساله
جزت "آمال " على أسنانها وهي ترفع خفها لتضر. ب به "زينب " على رأسها عده مرات وهدرت
بغضب وهي تلقى بخفها على الأرض وتسحبها من وشاحها بقوه لتظهر خصلات شعرها البيضاء
_انتي يومك مش معدى النهارده ..... يا مستنقع الزباله انتي وابنك
صرخت" زينب " وهي تحاول أن تتملص من بين يديها ،تجمع الجيران وحاولوا فض الاشتباك
بالقوه ،أمسكت "ميلا " بكف والدتها وهي تشد كفها بقوه و تجعلها تدلف إلى الداخل ،
ثم أغلقت الباب بعنف في وجه هذا التجمهر لتبدأ الهمهما.
ت
_يا ما تحت السواهي ...دواهي يا اختي ،قالتها أحد الجارات وهي تغمز لجارتها الأخرى
لترد عليها وهي تتشدق ....ولا باين عليها حاجه شوفتي بنات اخر زمن
_أعوذ بالله جيران عايزه الحر. ق مافيش وراكم غير الكلام عن أعراض الناس ربنا ينتقم منكم
تمتمت بها الجاره "اعتماد "وهي تصعد إلى الطابق الرابع لتنهي هذه المهزله
نهضت زينب من مكانها وهي تلتقط أنفاسها ،مالت على اذنها إحدى الجارات وهمست بمكر
_إلا ......ايه اللي حصل بالظبط وايه حكايه الدكتور ده يا "زينب "
_هقولكم كل حاجه ....... وبدأت في اختلاق الأكاذيب لتقنع الجيران بأنها سيئه السمعه
..................................................................وما ان انغلق الباب رفعت "آمال " كف يدها وصفعت به وجه ابنتها وصرخت بها
_أنا عايزه .....اعرف ايه علاقتك بالدكتور ده ...كنتي بتضحكي عليه وانتي ....ثم بترت جملتها
اهتزت حدقتيها وهي تحدق بوالدتها بانكسار وهدرت بتوسل
_لا ........اوعى يا ماما تتهميني زيها معملتش حاجه والله انا مظلومه وربنا شاهد اني مظلومه
أغمضت عيناها وحاولت أن تتحدث بهدوء زائف وهي تجلس على الاريكه
_طيب ريحي قلبي وقوليلي الحقيقه انتي ،أنا هتجنن عقلي مش مستوعب كلام الست دي
ابتلعت ريقها بتوجس وقد بدأت تقص عليها علاقتها بهذا الطبيب ،وماانهت حديثها رفعت
"آمال "عيناها المصدومتان ووجهها الغاضب فها هي تتكرر مأساتها من جديد ولكن مع اختلاف
الزمان والمكان هدرت بها بقسوه وهي تطرق بكف يدها على المائده
_لازم .....تنهي علاقتك بالدكتور ده .......انتي سامعه !!!!!!!هزت رأسها نافيه وهي تحاول أن تستوعب حديثها وهمست بنبره متحشرجه
_ليه .......يا ماما هو عمل ايه علشان أنهى علاقتي بيه ،ده هو الشخص الوحيد اللي
حبني من غير مايطمع فيا ،بيخاف عليه من نفسه ........ثم همست بإصرار وهي تخفض رأسها
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.