_لأول مره برفع أيدي عليه، عمري ماكنت اتصور ان أعصابي تخني
وامد أيدي على ابني الكبير بس بحاول أحافظ عليه يا "الهام "
"عاصم "عصبي ومش بيتحمل بسرعه لو البنت دي اتخلت عنه في
اي وقت و لأي سبب من الاسباب ابني مش بالقوه اللي انتي متخيلاها دي
ترقرقت الدموع من حدقتيها وهمست بألم
_ماحدش فيهم ....هيعرف ينام يا "شاكر " كلهم اتجـ,ـرحوا كنت
قاسي وعنيف وخصوصا مع "رفعت " ليه كده "رفعت " طيب
وميستهلش اللي سمعه منك ابدا ، "عاصم " كان ممكن تتكلم معاه بهدوء
قطع حديثهما دلوف الخادمه إليهما وهمست بخفوت
_في حد .....عايز حضرتك يا دكتور "شاكر " في الصالون
انعقد حاجبيه بدهشه ونهض من مكانه متجها ناحيه غرفه الصالون
كان يجلس بهيبته المرموقة وهدوئه المعتاد ينظر إلى قدح القهوه والذي
قدمته إليه الخادمه منذ قليل نهض من مكانه عندما دلف إليه" شاكر "
_مساء الخير .....حضرتك مين !!!!!!!رفع كفه وصافحه بثبات وتحدث بجديه
_حضرتك انا" أكمل السمري "
جلس أمامه وضيق عيناه يحاول أن يتذكر وهمس إليه بعدم تصديق
_انت .......ابن رجل الأعمال" حسين السمري "
اومأ برأسه بثقه وأردف وهو يضع كفيه على فخذيه
_بالظبط يا فندم ذاكره حضرتك قويه أنا جاي بشكل شخصي
لأن عيله" زيدان "لها فضل كبير عليه وعلى والدي لذلك أنا
جيت بعد ما عرفت باللي حصل من دكتور" عاصم " للشاب اللي اتخانق
معاه وبطلب من حضرتك التدخل السريع لحل المشكله لأن حاله الواد خطيره
واحتمال كبير يتم إصدار قرار بضبط وإحضار دكتور "عااااصم "
رواية الخطيئة والغفران.
بقلم جنى محمد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.