_مش عايزه يا دينا أنا ماليش نفس اشرب حاجه صدقيني أنا خايفه
اوووي نانسي طريقتها مش مطمناني خالص وبتتكلم بلهجه حاده جدا
نظرت إليها دينا لترمقها بنظرات غاضبه وهمست بحده
_انتي اللي جيبتي لنفسك المشاكل مالك بحازم يارؤي وتابعت بحزن
_انتي بتخبي عليه انك على علاقه بيه أنا مضايقه منك جدا
مسحت دموعها بأطراف أصابعها وهتفت بألم
_أنا خايفه جدا عاصم لو عرف بأمر حازم هبقي في خبر كان
جلست دينا بجانبها لتربت على ذراعها وهمست بأمل
_أن شاء الله مش هيعرف بس انا عايزه افهم نانسي بتكلمك
بثقه اوووي كده ليه هي ماسكه عليكي حاجه يارؤي
زاغت عيناها وارتعش جسدها ونكست رأسها للأسفل وهمست باختناق
_مش عارفه هي بتتكلم كده ليه بس تفتكري حازم يكون قالها حاجه
هزت رأسها بيأس وعقدت ذراعيها أمام صدرها وهمست بحده
_والله حازم ده مش مضمون يارؤي وأنا عن نفسي عندي احساس أنه مش
بيحبك اساسا ولا انتي كمان بتحبيه ثم تابعت بإصرار ومتاكده انك بتحبي
قصائد المدح اللي بتسمعيها منه لكن مش بتحبيه هو شخصيا
رفعت رأسها لتهتز ملقتيها وهمست بعدم تصديق
_انتي بتقولي ايه لا طبعا حازم بيحبني وأنا كمان بحبه مش
ممكن يكون اللي بينا ده إعجاب وأنا مش حاسه
لوت دينا شدقه وحركت رأسها بالنفي وهمست بقوه
_لا مش بتحبيه عنيكي مش بتلمع على فكره لما تجيبي اسمه وشكلك
هتفوقي على أكبر كاب. وس لما تلاقي رفعت طار من ايدك وبقا في ايد غيرك
انتي بتجري ورا سراب اسمه حازم القاضي إنسان هوائي ومش بيحب غير نفسه
أنا مش فاهمه انتي ونانسي بتحبوا فيه ايه بس !
!!تنهدت رؤى بضيق وهمست بنبره عاليه
_أنا صدمتي كانت كبيره لما عرفت ان نانسي بتحب حازم
قاطعتها دينا على الفور لتتحدث بنبره حاده
_مش أكبر من صدمتي فيكي وعلى فكره نانسي مش سهله زي
ما انتي متخيله دي ممكن تهدي المعبد على أصحابه أنا اعرفها كويس
_ والعمل!!!!!!! ...... هدرت بها رؤى بتساءل
رمقتها دينا بنظرات نا. ريه واردفت بحده
_وهي دي فيها عمل ابعدي عن حازم وخلاص وبعدين انا مش
شايفه ان رفعت وحش على فكره رفعت إنسان محترم ودكتور ووسيم
عاوزه اعرف ايه اللي مش عجبك فيه
فركت جبهتها بأصابع يدها وتابعت بتافف
_أنا مش عارفه اشوفه غير أخ كبير يا دينا بس خلاص مش قدامي
غير اني ارتبط بيه وتابعت لتغير الحديث
_"اكمل "عامل ايه معاكى يا "دينا" شكلك مش سعيده معاه
تغيرت ملامح دينا إلى الحزن وهمست بنبره ساخره
_كنت هبقي سعيده جدا لو مكنش اونكل حسين اتجوز العقربه اللي على ذمته
دي لتتابع بألم ......واللي اتفاجئت أنها نفس الشخصيه اللي كان
بيحبها أكمل أيام الجامعه علشان كده" أكمل "طلب مني أنا
وماما إننا نقيم معاهم هنا بما ان ماما لها نصيب في الفيلا هنا
بعد مااتطلقت من بابا
صدرت ضحكه ساخره على شفتيها وهمست باختناق
_تخيلي انا هنا درع قوى له ليضعف قدامها تصدقيها دي يا رؤى
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.