رحيل

إنسي وعيشي حياتك سافري وكملي تعليمك وأنسي كل حاجه
نظرة له بدموع طب ليه مش أنت اللي تنسي وتيجي نعيش بعيد عن الكل ليه عايزني أنا اللي أضحي
أخرج السلسله من جيبه ووضعها في يدها وأغلقهم بيده دي أغلي حاجه عندي كانت ملك أمي ألبسيها ديما ثم ضمها وتركها وأبتعد وكلاهما يتألم

وقررت أنها تكمل تعلمها بره وفعلا سافرت سنتين ولما أخدها الحنين ليه رجعت بحجة أن في دكتور بيحبها وعايز يتجوزها وهي نزلت مصر عشان يتعرف علي أهلها
وده كان في نفس اليوم اللي قرر جاد قـ,ــ,ـتل ابن عمها وجدها بعد أن تسبب ابن عمها في قتـ,ــ,ـل بعض رجال عائلة جاد
**************
ده اللي فاكره من البارت الخامس أصل كنت قراتها من سنه ونص تقريبا أتمني أكون قدرت أربط لكم الحلقه المفقوده بين البارت الرابع والسادس

❤رحيل ❤للمبدعة حنان اسماعيل ❤
🌹الفصل السادس🌹
الحمد لله دائما وابدا ❤
الجزء السادس
اتسعت عينى جاد للحظة وهو ينظر اليها بعيناه الغاضبتان غير مصدق لوجودها امامه , هزته رؤيته للحظة قبل ان يعود لثباته بعيناه الغاضبتان القاسيتان بينما اخذت هى تنظر اليه بعينان يملأهم التحدى .ويدها تحرك فوهة مسدسه ناحيه راسها ,فيما وقف جدها خلفها ينظر اليها بخوف
سيطر جاد على مشاعره المضطربة فى تلك اللحظة قائلا بنبرة قاسية وصارمة موجها كلامه لصالح

جاد آمرا : قولها تطلع فوق ياصالح
صالح لرحيل بقلق :اطلعى فوق يارحيل
ظلت ثابتة فى مكانها وهى تنظر لجاد فى ثبات وتحدى قائله
رحيل : لا ياجدى مش هطلع ,انا معنديش استعداد انى اخسرك حتى لو كان على حساب مو\تى انا
تقدم رجل من رجال جاد بغضب متجها ناحية رحيل بمسدسه قائلا بعصبية
الرجل : تحب اطلعها بره ياكبير
قالها وهو يتجه ناحيتها ,اشار اليه جاد ان يقف مكانه ومسدسه مايزال فى رأس رحيل قائلا لصالح

جاد بغضب : انت بتتحامى فى حريم بيتك ياصالح ؟
صالح وقد استفزته الكلمة ,متقدما امام رحيل وهو يخبأها ورائه قائلا فى غضب لجاد
صالح : انا اهو ياابن الموافية اقتـ,ــ,ـلنى ,ملكش دعوة بيها
عادت للوقوف امامه مسرعه مرة اخرى وهى تنظرالى جدها بحنان قبل ان تنظر لجاد بحقد قائله
رحيل بغضب : لا ياجدى ..انا اودامك اهو لو عاوز تقتـ,ــ,ـله يبقى لازم تقـ,ــ,ـتلنى انا الاول لانى مش هسمح لك تاخد منى اغلى حد عندى

رمقها جاد بغضب لثوانى قبل ان يلمح قلادته التى كان قد اهداها لها اخر مرة التقيا فيها حول عنقها ,نظر اليها لثوانى قبل ان يرفع عينيه اليها وهو ينزل سـ,ـلاحه ,مشيرا بطرف يده لرجاله كى ينزلوا اسلحتهم قائلا وهو ينظر لصالح
جاد : انا متعودتش ادخل ستات فى حساباتنا ,,ولولا وجودها كان هيكون اخر يوم لك النهاردة يا صالح ,بس معلشى ملحوقه ,لنا لقا تانى وقريب

خرج صوت يونس من خلفهم قائلا ببجاحته المعهودة بعدما تأكد من تحركهم نحو الباب .
يونس مهددا : اوعى تفتكر انى هعدى لك دخولك بيتنا بالطريقه دى ياجاد ,,انا هوريك
التفت اليه جاد عائدا مرة اخرى ليلكمه فجأة فى وجهه قائلا بمنتهى الهدوء والثبات
جاد بغضب : انت بالذات احمد ربنا انك لسه عايش لان المرة الجاية مضمنش انى ممكن اعمل حساب لوجود حد حتى لو لميتم ستات بيتكم كلهم
سقط يونس ارضا وسط دهشة الجميع وبخاصة رحيل