فاجابها وهو ينظر الى والده بفزع : جيت... جيت انادي عليكي علشان... انتي اتأخرتي.
نور : انا قولتلك اني عايزة ادور على الموبايل بتاعي وبعدها هرجع على طول.
احمد : بس انتي....
فقال حسام بنبرة قوية : قولتلك طلعي الواد من هنا بسرعة !
فنظرت اليه وقالت : سمعتك علشان كدا متصرخش... يلا يا احمد خلينا نروح اوضتك علشان تذاكر.
قالت ذلك ثم امسكت بيد احمد وخرجا من الغرفة ، اما حسام فجلس على الأريكة وغطى وجهه بيده .
وفي مكان اخر ........
كان مهران جالساً في مكتبه ، فورده اتصال من صديق له ، وعندما اجابه قال : ايوا يا حازم..
حازم : الحق يا مهران... انا قدرت امسك الاسد !
مهران بغرابة : ايه اللي حصل ؟؟
حازم : انا عرفت حاجة مهمة عن الجدع اللي اسمو حسام الشناوي.
فنهض مهران وقال بلهفة : بجد ؟؟
حازم : ايوا... احنا لازم نلتقي لان مش هينفع اقولك على التليفون كدا.
مهران : طيب... قابلني في مطعم *** بعد نص ساعة.
حازم : ماشي... يلا سلام دلوقتي.
- ثم اغلق مهران هاتفه وذهب الى المطعم حيث كان الرجل الذي اتصل به ينتظره ، فجلس امامه على الطاولة وقال : قولي يا حازم... انت اكتشفت حاجة متعلقة بقصة وفــ,,ـاة مراتو ؟
حازم : لاء مش كدا... بس انا بظن انو بيعامل مراتو الجديدة بقسوة.
مهران : وانت عرفت دا منين ؟
حازم : انا كنت سهران مع أصحابي امبارح في كازينو *** وهو جيه وقعد قريب منا وفضل يشرب وموقفش ابداً .
مهران : وايه الغريب بالكلام دا ؟؟
حازم : انا هقولك ...
☆ عوده في الزمن ....
كان حازم جالساً مع اصدقائه في احد الكازينوهات الليلية وبينما كانوا جالسين انتبهوا على حسام الذي اتى وجلس بالقرب منهم ثم طلب مشروباً واخذ يشرب دون توقف .
فقال احد الرجال الجالسين مع حازم : مش دا برضو نائب رئيس الوزراء حسام الشناوي ؟
فألتفت حازم وقال : ايوا هو بشحمو ولحمو !
رجل اخر : طيب ايه اللي جاب واحد زيو على المكان دا ؟
فقال حازم في نفسه : باين عليه متعصب اوي... ماشي هقرب منو شوية جايز اعرف حاجة عن حياتو الشخصية زي ما طلب مني مهران.
قال ذلك ونهض من مكانه ثم جلس بجانب حسام وقال للنادل : جيبلي شوية تلج.
النادل : اتفضل .
اما حسام فاتصل على صديقة وذراعه الايمن سليم وعندما اجابه قال : قولي يا سليم... انا قاسي معاك انت كمان ؟
فأستغرب سليم وقال : ايه اللي بتقولو يا حسام ؟؟ وبعدين ليه صوتك غريب كدا ؟ هو انت سكران ؟
حسام : لاء مش سكران.... ودلوقتي قولي انا قاسي معاك ولا لاء ؟
سليم : لاء يا حسام.. انت مش قاسي معايا بس ليه بتسأل ؟
حسام : انا اذيت نور يا سليم... النهاردة اتخانقت معاها وهي وقعت وايدها اتعورت بسببي.. بس دا حصل غصب عني والله وانا ماكنش قصدي اذيها وهي الحق عليها فضلت تستفزني بكلامها وخلتني اتجنن.
فتنهد سليم وقال : طيب قولي انت فين دلوقتي ؟
حسام : مفيش داعي انك تيجي... انا عايز افضل لوحدي شوية.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.