امسكتها فريدة من ايديها: ممكن تهدي وتاخدي نفس الكل مراقبك على فكرة، وكمان مالك وسلمى جاين علينا حاولي متفكريش في حاجه دلوقتي..
وصل مالك وسلمى لمكانهم
سلمت سلمى عليهم واعتذرت وذهبت الى مرام صديقتها
بينما اتجه مالك الى نغم واردف اليها مبتسما:
مش عارف اشكرك ازاي على الدعوة وكمان عشان تديني فرصة اقعد مع همس، هي رافضة الكلام معايا نهائيا
ابتسمت له نغم بمجاملة فهي في حالة لا تسمع ولاترى غير معذب قلبها ثم اردفت:
انا عارفة همس بريئة جدا وخايفة عشان زعل ماما، انت عارف ماما رافضة ارتباطكم حاليا، وهمس عملت زي ماما طلبت منها
مالك اردفت بها نغم: حاول تستوعب همس وخوفها على زعل والدتها.. ولو انت فعلا عايزها وبتحبها اصبر عليها واستنى الكام شهر اللي جاين دول
نظر مالك اليها واردف حزينا: والله انا بحبها بس والدتك معرفش ليه مصعبة الدنيا، ولما رحت لعمك كان عندي امل يضغط عليها بس للاسف هي عند رأيها
خلاص ولايهمك تخلص بس الشهرين دول وبعد كدا اقنع ماما بارتباطكم
كان يقف وكأن نيـ. ـران ولهيـ. ــ ب تخرج من عيونه عندما رأى شخص يتحدث اليها ويضحك... ودّ لو يصل اليه ويحطم صف اسنانه الذي يسعد بهما معها
وصل الى عمر سريعا وامسكه بغضب وهو يتحدث الى مرام هقطع وصلة عشقك ياخويا وتعالى معايا
مين اللي واقف مع نغم وفرحان بنفسه
رفع عمر حاجبه واستشاط غضبا منه ثم اردف:
يعني انت خلتني اسيب مرام عشان اقولك مين دا وانا ايه اللي عرفني ثم رحل ولكنه بعد خطوتين رجع اليه:
مش دي نغم اللي مش عايز تعرف عنها حاجة.. بقولك ايه انا تعبتلكم انتوا الاتنين اه والله
عندي اقتراح يريح الكل
وضع يديه على كتفه ثم اردف مستهزءا من حالة ريان:
انا بقول تروح ترمي عليها يمين الطلاق، اصلها طلعت وحشه قوي ازاي البت تقف مع حد تاني وتضحك شوف ازاي!!.. وانت ياحبيبي رميها عشر شهور وكأنهم عشر ايام عندك ومش بس كدا، لا رميت وعودك وهربت وحمّلت غلطك على المسكينة اه والله
ثم نظر اليها وعندما وجده كتلة نار اردف ساخرا منه
ايه يابابا بتبص لي كدا ليه ايكونش جوز امك
على فكرة والله البت نغم العسل دي اللي واقفة تضحك مع الحليوة دا امها داعيالها ساعة الفجرية
كز ريان على اسنانه بغضب واردف اليه غاضبا:
والله العظيم مامشيت من هنا دلوقتى لكون مانع جوازك من اختي وشوف بقى هتعمل ايه يابو لسانين..
قبل عمر كتفه بطريقة مزاحية
والله انت حبيبي ياريو والبت نغم اه قصدي الاستاذة نغم مرات اخويا طبعا أصيلة
ثم تركه وتحرك سريعا وهي يضحك بقوة عليه
تحرك ريان اليها في هذه الاثناء قطعت جاكلين طريقه:
اين ستذهب ريان؟
انا مللت من هذه الحفل؟
متى سنذهب للمنزل لكي انتعش بحماما واخذ قسطا من الراحة؟
نظر اليها وتحدث سريعا قبل مغادرته لنغم:
عزيزتي جاكي انتظريني لحظات وسوف نتحدث فيما بعد..
وصل الى حيث مكانها
وقف خلفها مباشرة وعندما راى مالك حاول ان يتذكره هو يعلم انه رأه قبل ذلك..
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.