ارجع لمين ياطنط هو انا وسها كنا مرتبطين عشان نرجع دا كان مجرد خروجات وبس انا عمري ماقولتلها اني بحبها.. اه قولت هنتجوز بس هي للاسف مش اد اي علاقة... ايه جاين تحاسبوني انا ومراتي على اللي هي فيه
ثم نظر لخاله: سها اذتني قوي ياخالو وهي السبب في اني ابعد عن مراتي وافهمها اني طلقتها
بنتك السبب في عذابي الفترة اللي فاتت.. انا فهمتها من بدري اننا مننفعش لبعض.. وانا اتمنى لها السعادة.. فبلاش تحسسوني اني السبب في اللي هي فيه
اتى الطبيب.. اتجه اليه علي بقلب اب خائف على فلذة كبده
: طمني يادكتور هي عاملة
: للاسف ياجماعة بنتكوا حالتها صعبة ودخلت في انهيار عصبي بعد مافاقت ومش مبطلة غير ريان بيضحك على نغم ويرجعلي
صدمة نزلت عليه كالصاعقة... ماذا يحدث
اكمل الطبيب حديثه دلوقتى احنا طالبين من ريان يدخلها ويسايرها في الحديث عشان ترجع لعقلها
نظر ريان اليه ثم اردف مستفهما: مش فاهم حضرتك ممكن توضح
نظر الدكتور اليه وتحدث: اكيد انت ريان
اماء ريان براسه ثم تحدث غاضبا
ممكن تدخل في الموضوع على طول
نظر الطبيب الى مديحة ثم اتجه بانظاره الى ريان
عايزك تأكد كل كلام سها قدامها
: بمعنى هذا مااردف به ريان
الطبيب: يعني كل اللي تقول عليه قولها حاضر وخلاص.
.: يعني ايه افرض قالت حاجة مش صح، ثم نظر الى الطبيب الذي اماء راسه بالموافقة
ورغم حالة خاله الذي تستعطفه الا انه اردف: مستحيل. ازاي حضرتك عايز تكذب على مريضه عندك دا كدا انت مش بتعالح
تحدث الطبيب اليه بغضب: حضرتك عايز تعرفني شغلي مع المرضى
ثم اتجه بنظره الى والد سها دا الحل اللي عندي عشان صحتها تتحسن بعد اذنكم ثم غادر
وقف ريان ولا يعلم ماذا يفعل، هو لايريد رؤيتها ولكن تذكر عمر وحزنه فمهما فعلت هي اخته
ثم اتجه الى خاله الذي نظر اليه يستجديه بنظره
امسك خاله يديه: ريان انا بطلب منك بقلب اب يابني ترجعلي بنتي وبعدها انا مش هلومك
ربت على كتف خاله بحنان واردف مهموما: حاضر ياخالو
دخل الى غرفتها ببطئ وعنده شعور سئ لا يعلمه
وجدها تجلس على فراش المشفى وتضع راسها على ارجلها وتنظر في اللاشئ وعلى يديها ضمادة نتيجة ماحاولت ان تفعله بنفسها
وصل امام فراشها ووقف بمقابلتها ثم اردف مناديا سها
رفعت نظرها اليه ثم وقفت واسرعت عليه وحضنته
ريان كنت عارفة انك هتيجي وبدأت تبكي
ربط على ظهرها بحنان حتى هدئت
جلست على الفراش وامسكت بيديه
: وحشتني قوي.. قولي انك خطبت نغم عشان تبعدها عن عمو وكمان ناوي تكسرها يوم الفرح مش كدا حبيبي
اغمض عينيه قهرا على مايحدث له من جميع الجهات
سها.. عايزك بس تقومي
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.