صفقة مع الشيطا,,ن ١

..ابتسمت بشماتة بينما تجمعت العائلتان ....صدموا مما رأوه ...حياة تجلس بإرتياح بينما الشاب يصرخ بألم
-يا حبيبي يا ابني ...قالتها السيدة بهلع ثم اقتربت منه وسحبته الي الحمام بسرعة ليغسل وجهه ...نظر والد الشاب الي حسان وقال:
-ايه ده يا استاذ حسان انت جايبنا نتهان هنا ولا ايه ؟!!!ايه اللي عملته بنتك ده ؟كان الرجل حقا غاضب ...ملامح وجهه كانت عاصفة من شدة الغضب ولكن حياة لم تخاف ...

هي بالأساس لا تريد تلك الزيجة ولا تعرف من اين اتتها تلك الشجاعة وقالت:
-خد ابنك من هنا يا عمي معندناش بنات للجواز أنا مش هتجوز واحد تافه زيه !!! ...-حياة احترمِ نفسك .قالها حسان بغضب ولكن حياة لم تصمت بل قالت بقوة:
-الاستاذ جاي يقولي اني معنديش أنوثة ...جاي يهينني في بيتي يا بابا هو فاكر نفسه مين اومال لو كان حلو شوية كان عمل ايه ده شبه البغل .

..ده كتر خير اللي هتتجوزه ...يعني هو انا عشان مرضتش احرجه هو يتكلم عني بالطريقة دي. ..لا مستحيل اسمح لحد يكلمني بالاسلوب ده !!تنهد والدها وصمت كان يري أن كلام هذا الشاب قد جرح ابنته بشده وهو لن يسمح لأي شخص أن يجعلها تبكي لذلك عندما خرج الشاب ووالدته من المرحاض امسك حسان كف ابنته ...نظر إليهما الشاب ...ثم اشتعلت عينيه بالغضب وقال:
-انتِ واحدة ح.

...-ولا كلمة !قاطعه حسان بقوة وهو ينظر الي الشاب بنظرات اخافته ثم أكمل :
-مين أنت عشان تيجي هنا وتهين بنتي انت فاكر نفسك مين ....انت قبل ما تنتقدها مشوفتش عيوبك ...انت انسان وقح وسطحي والله ومستحيل أخلي بنتي ترتبط بواحد زيك ...يالا اتفضل من غير مطرود ...نظر والده الي حسان وقال:

-استاذ حسان بلاش تتهور .....عادي الولاد اختلفوا وبعدين بنتك ...أوقفه حسان بإشارة من كفه وقال:
-لو سمحت يا استاذ خلاص انتهي الموضوع معنديش بنات للجواز ويالا اتفضلوا من هنا ...ودون أي كلمة اخري غادرت عائلة العريس بغضب ...تنهدت حياة براحة لتنتفض فجأة عندما صرخت والدتها بها وقالت:
-عملتِ اللي انتِ عايزاه يا حياة ...طفشتِ العريس وارتحتِ ...فاكرة أن يوسف بالطريقة دي هيبصلك .

..يا بنتي ده خاطب وبيحب خطيبته بطلِ بقا الهبل ده ....يوسف مستحيل يبصلك ...تألم قلب حياة وتصاعدت الدموع لعينيها ثم قالت:
-انا معملتش كده عشان يوسف...أنا عملت كده عشان الاستاذ ده اهانني وان كنتِ شايفة اني رخيصة وعادي اتهان أنا مش شايفة كده يا ماما ...ثم سريعا ذهبت حياة لغرفتها وهي تبكي .................-دي هتكون زي ماتش الاعتزال يا جاسر ...اكبر صفقة نعملها في حياتنا وبعدين هنوقف .

..قالها عامر وهو يبتسم بينما يرتشف كأسه ببطء ..كان يفكر بصفقة العمر ...سوف يستقبل أكبر شحنة مخدرات من الخارج وسوف تباع بملايين الدولارات وعندها سوف يكون لديه مال لا يحصي وسيبقي مرتاح المتبقي من حياته ...حينها سوف يهتم بإبنته الصغيرة....نظر إليه جاسر بتعب وقال:
-ايوة الصفقة دي مهمة عشان كده لازم نفتح عينيا كويس يا عمي .