هنا استيقظ سريعا من نومه، جلس على فراشه يبحث بعينيه عنها تمنى لو حلمه حقيقة، لكن خيبت أماله
وقف واتجه إلى غرفتها كي يطمئن عليها
وجدها تنام في سبات عميق جراء تعب ما حدث لها
جلس بجوارها ووضع رأسه بجانبها يشبع روحه منها.بدأ يحدث حاله: أنا متأكد من حبك بس لازم تكون الثقة أقوى من الحب، كان نفسي تتمسكي بيا بس شوفي كعادتك دايما بتبعيني، مش هاين عليا أبعد وفي نفس الوقت صعبان عليا نفسي وقلبي نفسي لو الكل وقف ضدي انتي الوحيدة اللي تكوني سندي
قبّلها على خديها ثم خرج بهدوء
في صباح اليوم التالي
اتي على إليه بالتسجيلات.علي: فيه حاجة لازم تعرفها كمان. جاكلين متواطئة مع سها ودا هتعرفه في التسجيلات، عمر أخد سها على مستشفى الامراض النفسية
ريان: إيه اللي حصل خلاه يعمل كدا
: معرفش دا اللي عرفته بعد ماقفلت معاك من خلال الامن بتاعنا
خلاص ياعلي شكرا وخلي بالك راقب المستشفى سها مش هتسكت وهتحاول تهرب دا لو اللي في بالي صح.: ماشي فيه حاجة كمان ياريت تسمعني مش تطفل ولا تدخل مني، أنا أعرف نغم من أكتر من خمس سنين يعني قبل مـ,,ــاتعرفها على حد علمي ان فيه مشكلة بينكم، ريان نغم اتحرمت من الأب في سن أي بنت بتبقى محتاجة قوة أبوها في التعامل ويكون سندها في نفس الوقت، هو فعلا طنط نبيلة ماقصرتش في تربيتهم بس فيه حاجة لاغنى للأب عنها وهي قوة الشخصية، نغم مش ضعيفة بس بريئة قوي وكمان مكانش فيه الأخ اللي تتسند عليه وقت الصعب والغلط، يارب تكون فهمت قصدي.
ضمه ريان من اكتافه، ظل يضغط على حاله طول حديثه ولكن فاض بيه ماذا يهذي هذا الابله: علوش حبيبي عايز ترجع بيتكم وانت ماشي على رجلك
استغرب على حديثه: والله كنت عارف ردك دا
بس كلمتين واتحشروا في زوري بس بجد ميحسش بقيمة الأب إلا اللي افتقده ياريان
أماء له ريان برأسه دون حديث ثم ولاه ظهره ودخل إلى بيته
وقف على ينظر خلفه بشرود ثم اردف: والله لو عرف كنت بحبها ليق-تلني
في منزل نبيلة.جلست مع همس لتناول إفطارهم ولكن دموعها سقطت بصمت
نظرت همس إليها: وبعدين ياماما انتي من ساعة ماارجعينا وانتي مش مبطلة عياط حبيبتي بينك وبينها ربع ساعة اتمني لها السعادة ينفع كدا تخلصي كل الدموع على نغم وأنا ايه
ضمتها نبيلة وهي مازالت تبكي: انتي نور عيني بس غصب عني مش قادرة أصدق إنها خلاص مش هتقعد تهزر معانا ولاتنام في أوضتها وتقعد تفتحلي أم كلثوم وتعاند فيا وتقولي دي بتاعة ريان ياماما فهماني.
همس خلاص حبيبتي دا حال البنات اللي في سني فهماني اللي في سني
ضحكت نبيلة من وسط دموعها: والله أنا خايفة على الولا مالك منك
: صحيح ياماما مقولتيش رأيك فيه. هيكون زي ريان كدا ويذوب فيا عـ,,ــــشقا
: انتي يابت الخجل عندك طفش يخربيتك طيب اتكسفي مني شوية. وعلى فكرة لو لفيت الدنيا كلها مش هتلاقي زي ريان
وقفت ومثلت العياط طيب أنا مخصماكي وهحروح اكلمه واقوله اللي بينا ضاع في أول اعتراف من أمي.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.