نظرت إليه متفاجأة به: يوسف انت وفين امل. ثم نظرت حولها وحول الاحتفال الذي أقامه بهذا الشكل لها
انت اللي عامل دا كله
وقف ينظر إليها والى سعادتها التي ظهرت على وجهها
: أيوة عملته عشانك، عشان فريدة وبس، ثم بسط يديه إليه تسمحيلي ليدي فريدة تتعطفي على خطيبك وتسهري معه الليلة.أمأت برأسها بنعم: أكيد أسمح.
ثم مدت يديها الى يديه الذي ضمها وجذبها إلى منضدة توضع بركن هادي وتزين بالشموع
نظر إليها بحب: ايه رايك عجبتك المفاجأة
: جدا جدا هذا مااردفت بها بسعادة
أمسك يديها وضمها بحب اليه: ثم أخرج خاتم من الالماس دا هدية مني لحبيبة قلبي.ملست على الخاتم بحب. دا شكله حلو قوي وكمان شكله غالي يايوسف، انت لسة ملبسني واحد قريب
ميغلاش عليكي ياحبي. وبعدين التاني بتاع الخطوبة.
وقفت فجأة: يوسف بابا وماما ميعرفوش اني هقابلك النهاردة لازم امشي
أجلسها: اقعدي يافريدة أنا استاذنت من باباكي. انتي ناسية اننا مخطوبين ولا ايه
ايوة يايوسف بس احنا لسة معملناش حفلة وبعدين مينفعش نكون مع بعض لوحدنا
حاضر هنقعد شوية مش هنتاخر انتي وحشاني أنا قبل الخطوبة كنت بكلمك اكتر من كدا.
نظرت إليه بحب: معلش انت شايف نغم كانت مسافرة ومكنش ينفع اسيب همس تشتري حاجاتها لوحدها، وبعدين كلها كام يوم ونكتب الكتاب ونقعد مع بعض براحتنا
انا بحبك قوي يافريدة. بحبك قوي بجد مكنتش أعرف وجودك هيفرق قوي في حياتي
نظرت إليه بسعادة: وانا كمان بحبك قوي يايوسف
عند ريان
قاد سيارته سريعا متجها الى علي، . ثم قام الاتصال به: على ابعتلي اللوكيشن انا في الطريق قدامك
قطع حديثه عندما وجد نغم تتصل به
: ايوة ياحبيبي.
: ريان فينك ماما بتسأل عليك هي وعمو احمد
: معلش يانغوم جالي مشوار ضروري هعمله واجيلك
ضيقت عيناها مستغربة واردفت متسائلة: مشوار ايه دا مش انت قولت هنخرح انا وانت وهمس ومالك ونروح المزرعة
معلش حبيبي شوية وجاي ممكن تخلي عمر ياخدكم كلكم هناك وانا هحصلكم
عمر مشي وراك على طول ياريان مرام قالت لي كدا
نظر في مرآة السيارة وجده خلفه بسيارته
وقف على جانب الطريق.
نزل عمر من سيارته واتجه إليه: ممكن اعرف انت رايح فين بشكلك دا
عمر ابعد عني دلوقتي لو سمحت ومتخافش انا مش بلطجي ومش هأذي حد بس عايز اعرف انا عملت لهم ايه وبس، والكلب دا لازم يتحاسب على كل اللي عمله معايا
جذبه عمر الى سيارته: طيب اركب وهنروح نحاسبه سوا ياريان انا مش هسيبك تروحله لوحدك
ابعد عمر عنه وذهب لسيارته وتحدث غاضبا: انا عارف انك خايف على اختك ياعمر ثم نظر اليه.
مش انا اللي أذي لحمي ياعمر ومهما سها عملت هتفضل اختك وبنت خالي ثم ركب سيارته وغادر سريعا
بعد دقائق وصل كلا منهما الى مكان علي على الشاطئ، استغرب ريان المكان ثم اتجه الى علي
انت مقولتش مكان غير دا جبتني هنا ليه
شوف هما هنا في الشالية دا
اتجه سريعا وخلفه عمر حاول ان يوقفه ولكنه لم ينتظر اقتحم المكان من جهة هو على والجهة الاخرة دخل عمر
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.