بالرغم من أنه دائما يلح عليها بأن ينجبا طفل لكنها ترفض الأمر خاصه وأنها ما زالت تدرس فى الجامعه ...لكن ذلك اليوم اغضبته جدا بعد أن فتح نفس الموضوع قائله "احنا مش اتفقنا مش هيكون فى ولاد قبل خمس سنين من الجواز "
حمزه"أيوه بس ايه المانع دلوقتى اكيد ابننا مش هيكون عائق فى طريقك صح"
راويه "لا غلط ..افرض أن احنا أطلقنا الطفل ده مصيره هيكون ايه"
حمزه "يعنى انا كنت عارف من الأول ان جوازنا شرطه طلاق وأنا عارف انك لما تدخلى الكليه هتسبينى"
راويه"انا ما كنش قصدى...انا"
لكنه لم يستمع إليها ورحل بعيدا عنها
زفرت أنفاسها بغضب وهى تفكر أنها تخسر الشخص الذى احبها تدريجيا بسبب تجربه مضت لكنها تركت أثر كبير جدا عليها جعلتها لا تثق باى شخص
...............................عند جهاد ومونا
وقفت مونا مع والدتها بين الأطفال الصغار رأت كل الأطفال يجلسون مع آباءهم وأمهاتهم
لكنها هى الوحيده من لا تملك الحق بأن ترى والدها. ..كانت الدموع تنهمر تدريجيا من عينيها .تركت يد والدتها التى انشغلت بالحديث مع إحدى السيدات ...وخرجت من القاعه
وفقت تكتف يديها وابكى بقوه
عندها وجدت شخص ما ينحى لكى يصل إلى قامتها الصغيره وأخذ يداعبها قائلا "ايه ده الجميل الصغير بيعيط ليه"
مونا"مالكش دعوه ممكن تسبنى لوحدى لو سمحت"
الشخص "أوه طلعتى قويه كمان لا بس انا عايز أكون صديق وتحكيلى اللى مضايقك "
مونا"لا انا مش بحب الأصحاب "
الشخص:"شكلك عنيده جدا ..طيب خلاص بلاش احنا نكون اصدقاء ايه رأيك أعرفك على بنتى جهاد"
مونا"جهاد"
الشخص"أيوه جهاد يلا سلموا على بعض"
أمسكت الفتاتان بيد بعضهما فقالت مونا"تعرفى ان اسمك شبه اسم ماما"
خفق قلب الشخص الغريب الذى تراه مونا للمره الأولى. .عندما سمع هذا الكلام وقال"مش تعرفينى على مامتك زى ما انا عرفتك على بنتى "
مونا"ماما جواه فى الحفله"
دخل الثلاثه إلى الحفله
أمسكت مونابطرف فستان والدتها
استدارت جهاد وهى تنظر لمونا التى قالت"عايزاكى يا ماما تتعرفى على صحبتى اسمها شبه اسمك"
جهاد "بجد"
مونا"أيوه جهاد بقت صحبتى من دلوقت "
نظرت جهاد إلى الطفله الصغيره بجوار ابنتها قائله "جميله جدا "
رفعت نظرها لأعلى كى تتحدث مع والد الطفله لكن كلمه واحده فقط خرجت من بين شفتيها"صابر"
نظر لها بحب شديد كان يبدو عليه أنه لم يفاجأ ابدا
أمسك يدها بحب
فحاولت نزع يديها من بين يديه بغضب
لكنه سحبها قائلا لمونا"استنينا هنا يا حبييتى مع جهاد "
مونا"انت واخد مامتى فين"
صابر"ما تخافيش هنتكلم شويه وراجعين "
خرج إلى مكان ما معزول بعيدا عن المدعوين فى أحد أركان القاعه البعيد عن الأنظار
حاصرها بينه وبين الحائط وهى تصـ,ـرخ عليه بعنـ,ـف وتقول"انت مجنون ازاى تعمل كده قدام البنات"
صابر"دول بناتى مش مـ,ـشكله "
جهاد"لا مونا بنتى انا وبس انت اتخليت عنها ممكن بقا تاخد جهاد وتمشى من هنا بسرعه بنتى مضايقه لوحدها"
صابر"هى مضايقه علشان انتى بعدتها عنى مش ملاحظه ازاى كل الأطفال عنده ام وأب وانتى حرمتى بنتك من أبوها "
جهاد"لو سمحت يا صابر انا مش عارفه انتى عرفت مكانى ازاى بس انت لازم تنسى انك شفتنى اصلا ".
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.