فقالت السيدة صباح : ولا يهمك ...ما دام هما هيتجوزوا في الحلال ف لازمتها ايه الحاجات دي ؟
السيدة عائشة : يبقى اتفقنا... يلا يا حسام يا ابني طلع الدبل من جيبك علشان تلبسوهم.
فتنهد حسام واخرج خواتم الخطوبة من جيبه ووقف ثم قال : يلا يا عروسه.. خليني اللبسك دبلتك.
فازدردت نور ريقها ثم نهضت واعطته يدها لكي يضع الخاتم في اصبعها وبالفعل فعل ذلك بكل رقي ولكنه ضغط على يدها بقوة قبل ان يتركها انتقاماً لما فعلته عندما ركلت قدمه.. فتألمت قليلاً ولكنها تداركت نفسها وابتسمت بتصنع مما جعله يبتسم ابتسامة الانتصار وبعدها اعطاها الخاتم الخاص به لكي تضعه في اصبعة ففعلت ذلك وما ان انتهت حتى سمععوا صوت زغاريد صادرة عن لمى فابتسمت وقالت : الف مبروك يا حبيبتي... مبروك يا حسام بيه.
- وبعد المباركات وتناول الضيافة والحديث نهض افراد عائلته الشناوي لكي يغادروا فقالت السيدة عائشة : متقلقيش يا نور.. منى هتجيبلك فستان الفرح وكل حاجة انتي عايزاها علشان الفرح مش كدا يا بنتي ؟
منى : طبعاً يا ماما.
نور : متشكره يا جــ,,ـماعة.
اما حسام فقد ضاق ذرعاً بهذا اللقاء لذا قال : يلا يا ماما.. احنا لازم نمشي.
السيدة صباح : خلوا بالكوا كويس وانتوا في السكة وان شاء الله الفرح دا هيعدي على خير.
السيدة عائشة : ان شاء الله... يلا عن اذنكوا يا جــ,,ـماعة.
تسارع في الأحداث ................
- مر الوقت سريعاً وجاء موعد الزفاف ، فكانت لمى مع شقيقتها نور في احدى الغرف الموجودة في منزل عائلة الشناوي حيث كان خبراء التجميل يهتمون بالعروس بينما كانت امها واقفه تستقبل الضيوف مع اهل العريس .
فقالت لمى : انتي متوتره يا نور ؟
نور : شويه.
لمى : متتوتريش يا حبيبتي... كل حاجة هتبقى تمام ان شاء الله.
في تلك اللحظة دخلت منى التي كانت جميله جداً الى الغرفة وقالت : ها يا جــ,,ـماعة... فاضل كتير على ما العروسة تجهز ؟
فقالت مصففة الشعر : لاء يا منى هانم...هي بقت جاهزة خلاص.
فنظرت منى الى نور وابتسمت قائله : الله واكبر الله واكبر... انتي طالعة قمر 14 يا حبيبتي.
فابتسمت نور وقالت : متشكره يا منى ربنا يخليكي.
منى : يلا يا عروسه انتي لازم تنزلي دلوقتي.. اصل الضيوف كلهم وصلوا.
فاخذت نور نفساً عميقاً وقالت : يلا.
اما حسام فكان يستقبل ضيوفه ويبتسم بتصنع ، فقالت له أمه : افرد وشك شويه دا مش وش واحد هيتجوز النهاردة..
حسام : منا بحاول ابتسم اهو.
في تلك اللحظة جاء سليم وقال : شاكر بيه ومدامتو وصلوا يا حسام.
حسام : طيب يا سليم.. ماما انا هروح استقبلهم.
السيدة عائشة : ماشي يا حبيبي.
ثم ذهب حسام وسلم لأستقبال رئيس الوزراء فقال الاول : اهلاً وسهلاً... شرفتوا .
فأبتسم السيد شاكر وقال : الف مبروك يا حسام يابني... ان شاء الله هتبقى جوازة الدهر.
فقالت زوجة السيد شاكر السيدة عبير : الف مبروك يا حسام.
حسام : متشكر اوي... اتفضلوا من هنا .
- ثم رافقهما الى حديقة المنزل حيث كان هناك الكثير من رجال الأعمال والسياسيّن ومن ثم قال : لو احتجتوا اي حاجة تقدروا تطلبوها من سليم هو هيكون في الخدمة مش كدا يا سليم ؟
سليم : اكيد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.