احببته رغما عني

السيدة صباح : مافيش حاجة من واجبكوا يا عائشة هانم.. وزي ما يقول المثل " الجود من الموجود "
وفي تلك الاثناء كانت نور في المطبخ تُعد القهورة العربية فدخلت لمى وقالت : يا بنت المحظوظة.... عريسك يجنن يا بت.. دا حلو اوي على الطبيعه !
فنظرت نور اليها وقالت : بطلي رغي وتعالي كملي عني وانا هروح اغير هدومي المتبهدلة دي.
فضحكت لمى وقالت : روحي ياختي روحي... ربنا يكون في عونك يا سي حسام على البلوة دي.

نور : هتسكتي والا اديلك بالشبشب ؟
لمى : خلاص خلاص ...كلو الا الشبشب.

- ثم صعدت نور الى غرفتها وبدلت ملابسها البسيطة باخرى مناسبة لاستقبال الضيوف ومن ثم تعطرت ونزلت الى الاسفل... فذهبت إلى المطبخ اولاً واخذت صينية القهوة العربية وبعدها ذهبت الى غرفة المعيشة ولم تكن متوترة او مرتبكة كما يكون حال معضم الفتيات عندما تتم خطبتهن بل كانت مسترخية تماماً لانها تعلم ان هذا الزواج ما هو الا صفقة للحفاض على ماء وجهها امام الناس وليس كما يعتقد الاخرين .

فابتسمت وقالت : اهلاً وسهلاً ...شرفتوا يا جــ,,ـماعة .فابتسمت السيدة عائشة وقالت : بوجودك يا نور.فقامت نور بتضيفهم القهوة واحداً تلو الاخر حتى وصلت الى حسام الذي نظر اليها بغرابة فقال في نفسه : ايه البنت الغريبة دي ؟؟ مش متوتره خالص !اما هي فنظرت اليه بحدة لكي تلحة على اخذ فنجان القهوة من يدها حيث انها اشارت له بعيونها ليفعل ذلك ثم ابتسمت بتصنع فشعر بأنها تسخر منه مما جعله ينزعج ولكنه تدارك نفسه واخذ فنجان القهوة وابتسمت بتصنع وقال : متشكر.

فوضعت نور الصينية من يدها وجلست الى جانب امها وبالقرب من حسام اما السيدة عائشة فقالت للسيدة صباح : انا هخش في الموضوع على طول ومن غير مقدمــ,,ـات... احنا جينا النهاردة علشان نطلب ايد بنتك نور لأبني حسام على سنة الله ورسوله.فقامت السيدة صباح بالصلاة على النبي وقالت : وانا بتشرف اناسب حضرتك يا ست عائشة وبتشرف أن بنتي هتبقى مرات راجل محترم زي حسام بيه بس عايزه توعديني الاول انكوا مش هتخلوها تعيط ابداً اصلها غاليه على قلبي اوي .

قالت ذلك وبكت فادمعت عينا نور واقتربت من امها ثم قبلت يدها وقالت : متعيطيش يا ماما.
اما السيدة عائشة فقالت : انا بوعدك اني هعتبرها بنتي التانية ومش هتفرق عن منى في اي حاجة.
منى : وانا هبقى اختها وصاحبتها اللي هتقف جنبها دايماً .
فمسحت السيدة صباح دمعتها التي نزلت رغماً عنها وقالت : وانا معنديش اي شك في الموضوع دا.
السيدة عائشة : يبقى خلونا نقرا الفاتحة على نية التوفيق.

- فبدأ الجميع يقرأون الفاتحة الا حسام الذي لم يكن مركزاً بالحديث اساساً حيث انه كان يشرب قهوته وينظر في ارجاء الغرفة فانتبهت نور عليه وقامت بركل قدمة مما جعله يسقط بعض من القهوة على قميصة فنظر إليها بانزعاج واشار لها بعينيه دليلاً على ماذا ؟

فاشارت له بعينيها لكي يقرأ الفاتحة مع الجميع فوضع الفنجان من يده ثم قرأ سورة الفاتحة ايضاً.... وبعدما انتهوا قالت السيدة عائشة : انتي عارفه يا ست صباح ايه اللي حصل امبارح علشان كدا مش هنقدر نعمل حفلة خطوبة وهنعمل فرح على طول وهيكون الفرح بعد بكرا لو دا مناسب ليكوا..