دميتي الجميلة 2

استيقظت من ذكرياتها على يده الحانيه تمسك المنشفه من يدها وجفف شعرها ..مسحت دموعها بسرعه..
غيث.: هتاخدي برد .. مينفعش تفضلي كده
مريم بهمس : هنشف شعري لوحدي..
غيث بابتسامه : هنشفه ليكي انا وهسرحه كمان بس متتعوديش على كده..اخذ يسرح شعرها بهدوء ليصنع منه ظفيره ادارها وجلس مقابلا لها ينظر اليها باهتمام : لو عاوزه تتكلمي انا جاهز اسمعك ..انسي اي حاجه واعتبريني صاحبتك..
ضحكت مريم على كلمته ..
غيث بابتسامه : نعمه شفت الضحكه دي عشان وحشتني..

انزلت نظرها بحرج ..امسك ذقنها ورفعه لتلتقي عيناهما..

غيث : على فكره انتي حلووه اوي لكن المرض والاكتئاب دول بيخلوكي وحشه اووي ليكمل بتمثيل وانا جاي انصحك ..ممكن اوووي جوزك يبص لبرررا عشان الرجاله مبتحبش النكد وجوزك شب حليوه والف بنت تتمناه والا انتي شايفه ايه....لم يدع لها مجال لاستيعاب كلامه ليجذبها من يدها يلااا بسرعه البسي الطرحه عشان هننزل ..

: ننزل قالتها مريم بهدوء..
غيث : ايووا عملك مفاجأه هتنسيكي ام الاكتئاب ده بس ماتتخانقيش معايا النهارده مممنوووع ديل..
نظرت اليه باستغراب ليذهب الى السرير وياتي بطرحة بيضاء تتماشى مع فستانها الذي كان بلون السماء…ووضعه على رأسها يحاول عبثا تثبته مريم بابتسامه لملامحه وهو يحاول التركيز قالت بهمس : سيبه انا هعمله..

اقترب منها ليخطف قبلة من وجنتها بسرعه مع صدمة الاخرى اولاها ظهره مردد هستناكي تحت..وغادر بسرعه وهو يحرك يده على عنقه بارتباك ..لما قبلها لا يعلم ..عاتب نفسه لكنه سعيد بقربه منها…
**************
قبل خدها مرددا بابتسامه : مش هتبوسيني هبوسك انا ياحبيبتي..
انزلت نظرها بحرج ووجنتيها محمرتان…
عواطف بحب محاوله اخراجها من خجلها : كلي يابنتي انتي لازم تهتمي بصحتك.

امسك مهران يدها وقبل باطن كفها مرددا بحب : متنسيش ان الحادثه اللي حصلت مكنتش سهله ليكمل بغصه انا كنت هخسرك ياشوق بس الحمدلله ربنا اداني عمر جديد لما رجعك ليا..
ابتسمت بحب لما تراه من الاهتمام والحب الذي تعيشه بسبب مهران وعمته…
وضع مهران امامها الطعام كلي ياحبيبتي لازم ترجعي زي الاول…واحسن..انتي قضيتي عشر ايام بغيبوبه وكل الغذا كان بالمحاليل لازم تعوضي ده كله…
عواطف : مفيش اخبار عن اللي عمل الحادثه يامهران يابني..

مهران وقد تحولت عيناه لكتلتا دم ؛..مصيره هيقع بين اديا ياعمتو ووقتها مش هرحمه وحياتك..
شعرت شوق بالخوف من نبرته لكنها سرعان مااطمئنت عندما قبل كفها مردد بحب ة الحمدلله انك كويسه دلوقتي وكل حاجه تانيه هتتحل ..
***************
شوق : انت واخدني فين يامهران..
مهران بغمزه : هنهرب من هنا..
شوق بضحكه : نهرب
مهران : اه يلااا بسرعه
شوق تجاريه بالمشي وكانها تركض لتصدم بي…
*********

كانت ترتدي ثياب مريحه بعد ان ودعت حسن الذي قرر العودة للقااهره فجاه دون اخبارها بالتفاصيل..واكد عليها عدم الخروج من الشقه ابدا…وبعد ايام
سمعت صوت طرقات على باب الشقه ظنت بأنه حسن اسرعت لتفتح الباب فقد خافت لوحدها طوال هذه المده حتى والدتها اجرى حجر عليها حتى موعد العمليه…لذلك لن تستطيع رؤيتها…
فتحت الباب دون التاكد من الطارق لتصدم برجل غريب..يقتحم الشقه..
الشاب :حسن بيه موجود
نسيت امر ملابسها واجابته بتوتر : حسن مسافر…