بني سليمان3

وانا اقول واجد جايب كل طمعه دا منين؟ اتاريه منك.. وربي وما اعبد ما هخلي حد فيكم يطول جنيه، طالاما الفلوس هي نقطة ضعفكم انا هكسركم بيها…
ثم صاح بأعلي صوته:-
_بـرة.. اطلي بـرة واياكٍ تدخلي القصر دا تاني
طالعته بحزن و:-

_سليمان يابني..القي أثرية كانت جواره علي الارض بعنــ,,ـــــف، ثم تابع بالقاء غيرها الكثير وهو يصيح:-
_انا مش ابنك.. انا بقيت يتيم بسببك، اطلعي برة.. مش عايز اشوف وشك.. مش عايز اشوف وشكمنال بأنتــ,,ـــــحاب:-
_حاضر هطلع والله.. هطلع بس انت متتعبش نفسك

قالت تلك الجملة وخرجت من الغرفة، والدموع قد تجمعت في عيناها.. دموع الحزن وتأنيب الضمير، لم تحزن لخروجها من القصر وان كانت مطرودة، فربما تلك الطريقة تقلل من شعورها بالذنب ولو لـ درجة..
نطقت سوزان وهي تقترب منه:-
_سليمان حبيبي..
نظر لها بعيون قد احمرت فجأة من الدموع المحبوسة فيها و:-
_لية مقولتليش ياتيتا؟
قالت بقلب يعتصر ألما علي حالته تلك:-
_علشان مشوفكش بالشكل دا ياسليمان
التمعت الدموع في عينيه و:-
_عمري ما هسامحها.. عمري

قال تلك العبارة وابعد يدا جدته التى امتدت منذ قليل لتحاوطه وخرج من القصر، متوجها بخطواته نحو جههه معينة لم تكن سوي الي بيسان ملجأه ومأمنه..
. . . * . . .
_كانت حلوة اوي..

قالها عابد وهو ينظر بشرود لـ الشارع عن طريق اللوح الزجاجي الفاصل الموجود بالمطعم، حيث كانت طاولتهم تسند علي ذلك الفاصل وتابع:-
_جمال ملهوش روح، بس للاسف ملاحظتش دا، كانت تسحر العين بس القلب لا، كانت ماكرة يمكن؟ طماعة؟ مش عارف بالظبط كانت متكونة من اية بس للاسف فكرت نفسي حبيتها وانها حب حياتي كله، لكن هي محبتنيش، انا كنت صيدة مناسبة ماشية معاها لغاية ما تلاقي الافضل.

. الافضل اللي كان ابن عمي واخويا، ورغم اننا من نفس العيلة.. النفوذ واحدة.. والسلطة واحدة والمال واحد… اختارته…. وحبته، كانت اول مرة تحب ومختارتش غيره علشان تحبه، لقيت فيه اللي ملقيتهوش فيا، هو مكنش بيبصلها حتي، لانه عارف اني عايزها لكن هي مكانتش بتسيبه، كانت بتشتغلني علشان تقابله وانا الغبي مكنتش بلاحظ دا، كرهي لابن عمي كان بيزيد من ناحية بسبب كلام اخويا عنه وامي، وحبي ليها اللي كنت مفكرة عشق كان بيزيد، لحد ما في يوم كلمني صاحبه وقالي ‘ حبيبتك بتخونك ‘ لما روحت لقيتها في شقة ابن عمي وبتحاول تقرب منه.

.

صمت وتنهد عاليا وهي ترمقه بحزن عليه، وعلي ما مر به، فرت دمعة منه، ظنتها دمعة حزن.. لكنها علمت فيما بعد انها دمعة تأنين ضمير حيث اكمل:-
_لو كنت ركزت شوية كنت عرفت ان ابن عمي بيحاول يبعدها عنه، كنت عرفت انها هي اللي رخيصة بس انا اتسرعت، اتهمته انه سرقها مني وهي حاولت تظهر بريئة وضحية وقعدت تقول انه هو اللي كان بيستدرجها، سيبته وبعدت وكرهي ليه كان زايد الضعف، بسبب اللي حصل ابن عمي قاطع صاحبه رغم ان صاحبه عمل كدا علشان يريح ابن عمي سليمان، لانه كان قايله انه مش مرتاح لـ البنت دي وعايز يكشفلي حقيقتها، هو اختارني رغم كرهي ليه وساب صاحبه اللي عنده فعلا استعداد يضحي علشانه، فضلت كارهه سنين بسبب الموقف دا، نسيتها يمكن بس منسيتش فكرة انه تفوق عليا حتي في الحب.