بني سليمان3

.

تنهدت عاليا بوجع قبل ان تقول موجه حديثها لمنال وعيونها مازلت ناظرة للأمام:-
_كانوا في يوم من الايام اخوات.. بيخافوا علي بعض من بعض، دلوقتي بياكلوا في بعض
قالت اخر عبارة بنبرة أسي واضحة، منال بنبرة متأملة:-
_متخافيش قي يوم الدم هيحن
سوزان بسخرية وهي تنظر لها:-
_دم مين اللي هيحن؟ دم واجد اللي حاول يقتـ،ـل جدته!شحب وجهه منال وتوسعت عيونها بصدمة واضحة، قاطع صدمتها صوت سوزان الساخر بمرارة:-

_فكرك اني معرفش انه هو اللي اخر معاد دوايا علشان اتعب ويأخر سليمان عن سفره؟ واجد بقي عبارة عن مسخ دلوقتي مهما تتكلمي معاه مش هيتأثر ولا هيغير تفكيره، جواه نــ,,ـــــار مش هتطفي غير لما تحــ,,ـــــرقنا وهو معانا
صمتت لدقيقة قبل ان تتابع:-
_ولا مين اللي هيحن؟ سليمان اللي شوية وهتلاقيه خايف ينام في بيته ليلاقي ابن عمه قتـ،ـله؟

ولا سممه في اكله، واحد حاول يوقع اسم عيلته علشان انتقامه تتوقعي ميوصلش حقده لمرحلة القتـ،ـل؟منال بدفاع عن واجد، رغم انها تعلم بأنه مخطئ:-
_هو بيدور علي حقه
سوزان:-
_وابن عمه مكنش هياكل حقه، جده حفظ مكانته وحفظ فلوسه، ابنك في اول مطب كنتي هتلاقيه بيبيع نصيبه وعلشان عبد الحميد خاف من ان يدخل غريب بينا خلي كل حاجة في ايد سليمان اللي مستحيل يتخلي عن شبر من ممتلكاتنا

منال بملامح متوجعة:-
_واجد غيران..نظرت لها سوزان بحدة وهي تقول بتعنيف:-
_وانتي السبب، غيران لان امه كانت غيرانة، هي اللي صبت فيه من غيرتها دي، حاولتي تفرقي الاخوات زمان وتخلي جوزك ياخد كل حاجة علشان كنتي غيرانة من توفيق ومراته.. راح حصل اية؟ظهر الوجع علي ملامح منال ونظرت لها بدموع ترجوها ان تصمت، لكن سوزان تابعت بقلب ام محترق:-

_خرج توفيق غض*بان من القصر بعد ما ولعتي الدنيا بينه هو واخوه ومرجعش، خرج ورجعلي ميت علي كفن هو ومراته بسببك وبسبب غيرتك يامنال، ولدي مات بسببك يامنال واوعي تفكري اني ممكن هنسي دا

سمعا شهقة صدمة من وراهم فألتفا الاثنان سريعا، فوقعت عيناهم علي سليمان جاحظ العينين بصدمة وزهول، رمقته منال برعب منه وسوزان برعب عليه، ظل الصمت سائد بينهم لـ لحظات يستوعب هو فيها ان المال هو سبب مــ,,ـــــوت والديه، يستوعب فيها انه خسر والديه بنفس السبب الذي ربما يكون سبب في خسارة روحه.

. المال والجاه والسلطة.. هم سبب الكرة والحقد.. سبب التنازع والصراع، سبب الكرهية.. سبب كل ما يؤدي الي المــ,,ـــــوت والتفرقة، اذا حضر المال تتفرق المحبة ولا تبقي أبدا..

نطقت سوزان بأسمه بعدما طال صمته:-
_سليمان..؟!نظر سليمان لمنال بعيون بها من الغض*ب ما يكفي ليتوزع علي العالم كله، غض*ب تجمع كله بعيناه في لحظة واحدة، مشاعر جديدة من الكره توجهت نحو تلك المرأة في تلك اللحظة و:-
_اطلعي برة قصري..نظرت له بزهول فقال وكأن اصابته حالة من الحنون:-
_قولتلك برة، مش عايز اشوف وشك هنا تاني القصر قصري والفلوس فلوسي اللي بسببها اهلي ماتوا بسببك..