خيوط خفيه نورهان العشري

قالي بالحرف: "لو جرالي حاجة يا داليا، سلمى في خطر.. الناس دي مش هتسيبها لحد ما ياخدوا منها توقيع على باقي أملاك جدتها."سلمى كانت باصة لها وعنيها متسعة من الهول. — وعشان كده.. كنتِ عايشة هنا؟ على حسابه؟

— على حسابه آه، بس مش عشيقته زي ما المجتمعات والبشر بيظنوا.. داليا ابتسمت بمرارة. — عمر كان كاتب الفيلا دي باسمك إنتِ من وراهم كله، عشان يضمن إن لو حصل له حاجة، يكون ليكي مكان آمان تبعدي فيه عنهم، وطلب مني أحرسك من بعيد لبعيد.

. أنا واحدة كنت بشتغل مساعدة ليه في الشركة، وكنت عارفة بلاوي سوده كتير، وهو وثق فيا عشان ينقذك باللي يقدر عليه، في آخر أيامه. شريف خد الفلاشة بسرعة وفتحها على التابلت بتاعه، وبدأ يشغل أول ملف صوتي.

صوت عمر طلع بوضوح في الصمت القاتل:(لو بتسمعي التسجيل ده يا سلمى، يبقى أنا مبقتش موجود.. سامحيني، أنا ضحكت عليكي في الأول عشان فلوسك، بس والله العظيم حبيتك بجد في الآخر.. والناس اللي كنت شغال معاهم مش هيسيبوكِ.. ابعدي يا سلمى، داليا هي الوحيدة اللي هتعرف تحميكي.

. حاولي تهربي!)التسجيل خلص، والصمت رجع أثقل من الأول. سلمى وقعت على الكنفة تاني، ودموعها بتنزل بصمت، وحياتها كلها بتنهار قدام عيونها زي بيت كرتون. شريف بلع ريقه وبص لسلمى وقال بصوت جاد:— الكلام ده معناه إننا لازم نروح للشرطة فورًا..

تقرير الطب الشرعي محتاج يتفتح تاني، ووفــ,,ـــــاه عمر مبقتش مجرد دــ,,ـــــادث عادي. سلمى رفعت عيونها الحمرا وبصت لداليا اللي كانت واقفة ساكتة، وقالت بصوت مكسور:— يعني عمر.. ماكانش بيضحك عليا وبس.. ده كان بيحاول ينقذني في آخر لحظة؟داليا هزت راسها وقالت بهدوء:— البني آدمين أحيانًا بيكتشفوا الحقيقة متأخر قوي يا سلمى.

. ودلوقتي، إحنا لازم نقرر.. هنهرب زي ما طلب، ولا هنواجه?…..سلمى كانت واقفة مكانها، عقلها بيلف ومش قادرة تستوعب ولا كلمة من اللي داليا لسه قايلاه.

الورق في إيدها بترتجف، ونظراتها تائهة بين داليا والمحامي شريف اللي ملامحه اتدلت من الصدمة.— تحميني منه إزاي؟! صوت سلمى طلع مكسور ومليان رعب وهي بتقرب خطوة من داليا، وعنيها بتترجاها تنطق. — اتكلمي! إيه الكلام الفارغ ده؟ عمر جوزي.. كان بيحبني!

داليا هزت راسها ببطء، ونظرتها كانت مليانة أسف وحزن خفي. مدت إيدها سحبت الظرف من إيد سلمى بالراحة وقالت بنبرة هادية بس واثقة: — تعالي ندخل جوه يا سلمى.. الكلام ده مينفعش على الباب، واللي جوه ده مش مجرد ورق، ده تسجيلات وأوراق تثبت إن الراجل اللي عشتي جنبه سنين، مكنش بيعرفك أصلًا غير عشان حاجة واحدة.

.. رصيدك!شريف بص لداليا بعيون ضيقة وقال بتحذير: — استني عندك يا مدام داليا.. أي كلام هتقوليه لازم يكون ليه دليل قانوني، وإلا هندخل في قذف واعتــ,,ـــــدا.— الدليل جوه في الصندوق الأسود ده يا استشاري القوانين. داليا اتكلمت وهي بتفتح باب الفيلا وبتشاور لهم يدخلوا.— اتفضلوا.

. واقعدوا واسمعوا بنفسكم، وبعدين اعملوا اللي ترتاحوا له. دخلت سلمى وراها وهي حاسة إن رجليها مش شايلينها. الصالون كان واسع وراقي، وكل ركن فيه بينطق بذوق عمر.. اه، عمر اللي كان بيحب الدقة والنظام. قعدت سلمى على الكنفة، وإيدها على قلبها كأنها خايفة ينط من مكانه.