خيوط خفيه نورهان العشري

المستشار قفل اللابتوب، وبص لشريف بعيون صارمة وقال بصوت حاسم:— الأدلة دي كافية لهدم إمبراطورية فساد كاملة.. مش مجرد ناس عاديين. الفرج وصل، وقوة من الأمن الوطني والشرطة بتتحرك دلوقتي حالا لتطويق الفيلا والمقرات بتاعتهم في التجمع الخامس وغاردن سيتي.في اللحظة دي، تليفون شريف رن.

كان رقم سلمى. فتح الخط بسرعة، وصوت سلمى المترقب ظهر من الناحية التانية:— شريف! طمني.. وصلْت؟قبل ما شريف يرد، سمعوا برة المكتب صوت صفارات عربيات شرطة ضخمة بتتحرك، والمستشار قال لشريف بصوت عالي:— قولها إن اللعبة خلصت، والعدالة أخذت مجراها!

شريف ابتسم بدموع الفرح وقال لسلمى:— اطمني يا سلمى.. البوليس هجم على أوكارهم، والقبــ,,ـــــض على الكل بدأ.. حقك وحق جدتك وحق عمر.. كله هيرجع. بعد أسبوعين كاملين، كانت الأمور بدأت تهدأ، بس بملامح جديدة تمامًا.
سلمى كانت واقفة في جنينة الفيلا الكبيرة في التجمع الخامس، الهوا البارد بيلاعب شعرها، وباصة قدامها بسلام نفسي مكنتش حاسة بيه من يوم وفــ,,ـــــاه جدتها. الفيلا بقت ملكها قانونياً، والأموال والممتلكات اللي اتسرقت رجعت لحساباتها بحكم محكمة.

داليا قربت منها بهدوء ومسكت كف ايدها وقالت بابتسامة دافئة:— ناوية تعملي إيه يا سلمى في كل الثروة دي؟سلمى بصت لها، وبانت في عينيها لمعة قوة ونضج لأول مرة، وقالت بثبات:— جدتي كانت بتحب الخير، وعمر.. في آخر أيامه رغم كل غلطاته دفع ثمن الحقيقة غالي قوي.

. أنا هأسس مؤسسة خيرية بإسم جدتي وعمر، نساعد بيها كل الناس اللي ضاع حقهم في وسط طمع الدنيـا.. فلوس الحرام راحت، بس فلوس الحلال هتعيش وتعمل حياة ناس تانية.

داليا ضغطت على إيدها بحب وفخر، وهم الاثنين بصوا للسماء الصافية، وهما عارفين إن الصفحة دي اتقفلت، بس الدروس بتاعتها كفيلة تخلي حياتهم تختلف للأبد. تمت.…….