ادهم وسارة

ـ أنا… أنا آسفة لو سببتلك مشكلة.
أدهم بص لها لحظة.
الفستان الأبيض لسه عليها… وعيونها مليانة خوف.
لكن أول مرة…
حس إنه مش متضايق من اللي حصل.
بالعكس…
حس إن الليلة دي قلبت حياته كلها.
وفي نفس الوقت…
تحت في الجنينه…
ساندي كانت واقفة وعيونها مليانة غضب.
وهمست لنفسها بكره:
ـ اللعبة لسه ما خلصتش يا أدهم…
باب الأوضة اتقفل بهدوء.
سارة وقفت مكانها لحظة… وكأنها أخيرًا خرجت من الضغط اللي كان حواليها تحت.

لكن أول ما بقت لوحدها مع أدهم…
دموعها نزلت فجأة.
مسكت طرف الفستان بإيديها وهي بتبكي وقالت بصوت مكسور:
ـ كفاية… كفاية لحد كده.
أدهم كان واقف قريب من الباب… بيتابعها بهدوء.
سارة قربت خطوة وهي بتحاول تمسح دموعها:
ـ أنا عملت اللي انت عايزه… اتجوزتك قدام الناس… خلاص بقى.
بصت له برجاء وقالت:
ـ لو سمحت… طلقني.
أدهم عقد حاجبيه شوية.
سارة كملت بسرعة وكأنها خايفة يرفض:

ـ سيبني أروح لماما… هي تعبانه ومحتاجة لي… وأنا مش هقدر أسيبها لوحدها.
صوتها كان مليان خوف.
ـ هي أصلاً متعرفش أنا فين دلوقتي… ولا تعرف إن بنتها اتجوزت بالطريقة دي.
الدموع نزلت أكتر وهي بتقول:
ـ بالله عليك… خليني أروح لها.
لحظة صمت عدت بينهم.
أدهم كان باصص لها… بيشوف قد إيه هي صادقة وخايفة.
وبعدين قال بهدوء:
ـ مفيش داعي تروحي.
سارة بصت له بعدم فهم:
ـ يعني إيه؟
أدهم رد ببساطة:

ـ لأن والدتك جاية هنا.
سارة اتجمدت مكانها.
ـ إيه؟!
أدهم كمل بنفس الهدوء:
ـ أنا بعت رجالي يجيبوها من البيت.
سارة قربت منه خطوة بسرعة وهي مصدومة:
ـ انت عملت إيه؟!
أدهم قال:
ـ متقلقيش… هي جاية بعربية مريحة… ومعاها ممرضة كمان.
سارة كانت مش مستوعبة الكلام.
ـ انت… جبت ماما هنا؟
أدهم هز راسه:
ـ أيوه.
وبعدين قال بجدية:
ـ ومن النهارده… هتعيش معاكي هنا.
سارة بصت له بذهول.
أدهم كمل:

ـ وهتتعالج في أحسن مستشفى.
سارة همست بعدم تصديق:
ـ بجد…؟
أدهم قال:
ـ أي علاج تحتاجه… هيكون موجود.
لحظة أمل صغيرة لمعت في عيون سارة.
لكن أدهم كمل كلامه:
ـ بس…
الكلمة خلت قلبها يقبض.
ـ بس إيه؟
أدهم مشي خطوتين وقرب منها.
وقال بهدوء ثابت:
ـ مقابل ده… انتي هتعملي حاجة بسيطة.
سارة بصت له بقلق:
ـ إيه هي؟
أدهم قال:
ـ هتفضلي مراتي قدام الناس.
سارة اتوترت.
أدهم كمل:

ـ قدام عيلتي… قدام المعازيم… قدام الصحافة… وكل اللي يعرفني.
وقف لحظة وبعدين قال:
ـ هتمثلي دور الزوجة السعيدة.
سارة بصت له بصدمة:
ـ تمثيل؟
أدهم قال ببساطة:
ـ أيوه.
وبعدين أضاف:
ـ هتضحكي… تقفي جنبي… وتتصرفي كأن الجواز ده طبيعي.
سارة قالت بسرعة:
ـ بس ده مش حقيقي!
أدهم رد:
ـ محدش لازم يعرف.
وسكت لحظة قبل ما يقول:
ـ وإلا…
سارة قلبها دق بخوف:
ـ وإلا إيه؟
أدهم قال ببرود: