عهد يمين

اتفضل فاتوره الكهربه أهى ١٥٠ جنيه
أنهت جملتها وأعطته مائه وخمسون جنيها فى يده نظر ياسر إلى المال وعلامات الذهول تكسو وجهه وظل محدقا بها لبعض الوقت لا يفهم من تكون تلك الفتاه وعن أى فاتوره تتحدث
هل يعقل أنه أخطأ وذهب إلى منزل غير منزله لاحظت
الفتاه شروده فسألته قائله
هى
فلوس الفاتوره مش مظبوطين ولا إيه
اللعنه عن أى فاتوره تتحدث من تكون هذه الفتاه
---
وماذا تفعل فى منزله

قبل أن يتفوه ياسر بأى شىء خرجت راويه من المطبخ ورأته فهتفت قائله وهى
ياسر حمد على السلامه يا حبيبى
ظهرت علامات الذهول على وجه الفتاه وشعرت بالإحراج فهذا ليس محصل الكهرباء كما أخبرتها راويه حمحمت قائله
أنا همشى بقى يا طنط عشان متأخرش عن اذنك
غادرت الفتاه المنزل على الفور رفع ياسر حاجبيه بتعجب وقال

أنا لما خبطت ولقيت البنت دى بتدينى فلوس الكهربه شكيت إن دخلت بيت غلط وكنت هخرج أشوف البيت من بره عشان أتأكد إن ده بيتى
ضحكت راويه بشده بعد سماعها ما قاله ياسر وقالت

معلشى يا حبيبى أصل أنا لما خرجت من شويه أشترى طلبات من عند الحاج ماجد قابلت عبده محصل الكهربه بس أنا مكنش معايا فلوس لإنى اشتريت الطلبات فهو كتر خيره أدانى الوصل وقالى أنه هيجى ياخد الفلوس بعد ما يصلى العصر فأنا لما سمعت الجرس دلوقتى فكرت أنه عبده عشان كده قولتلها تاخد الفلوس وتديهالك وهى عشان متعرفكشى فكرتك محصل الكهربه واديتك الفلوس

ضحك ياسر وقال
طيب ومين البنت اللى فتحتلى الباب دلوقتى
دى تبقى إيناس بنت الحاج ماجد كانت بتجبلى كرتونه المكرونه اللى نسيتها فى المحل
ظهرت علامات الذهول على وجه ياسر وأردف قائلا
أنت عايزه تفهمينى إن دى تبقى أخت مدحت صاحبى أنا أول مره أعرف إن مدحت عنده أخوات بنات غير نسرين وهدى بس غريبه مش شبه مدحت خالص

فى اليوم التالى ذهب ياسر إلى منزل مدحت وأثناء زيارته قابل إيناس التى شعرت بالإحراج عندما رأته بسبب الموقف الذى حدث بالأمس
بعد مرور القليل غادر ياسر منزل مدحت وذهب برفقه يامن وجميله
وتناولوا الغداء فى الخارج وفى المساء عاد إلى منزله أمسك هاتفهه وبدأ بتصفح موقع التواصل الاجتماعى الشهير فيس بوك قبل أن تجلس والدته بجانبه وتقول

ياسر أنت عارف كويس أنى بحبك وعاوزه أفرح بيك ورحمه فات علي مده أكتر من سنه وخالتك نفسها قالت أدورلك علي عروسه
ضحك ياسر بشده فيبدو أن والدته فعلتها وتقدمت بالنيابه عنه لخطبه فتاه كما فعلت سابقا عندما تقدمت لخطبه رحمه رفع حاجبه وهو يقول
أنت شكلك مخططه ومجهزه كل حاجه

هى لم تخطط للأمر بل راودتها الفكره عندما رأت إيناس وياسر بالأمس ابتسمت وأخبرته أن الفتاه التى تفكر بها هى إيناس تفاجأ فى البدايه من اقتراح والدته ولكنه وافق فقد أعجبته إيناس عندما رأها وبالفعل ذهب لخطبتها ورحب به والد إيناس تم عقد القران بعد مرور عام على الخطبه وتبعه حفل الزفاف بأيام قليله كانت سعاده راويه لا توصف وزادت سعادتها عندما حملت إيناس وأنجبت مولودها الأول عمر وكانت سعاده يامن وجميله لا تقل عن