حسن مسح وجهها بهدوء : انا مش هعرف اقولك حاجه عشان دي حاجه تخص والدتك ..ومهما قلت وبررت موقفها مش هيبقى زي كلامها هي عشان اللي عاشته هي انا معشتهوش ..كل اللي اعرف اقولهولك مامتك ضحية..وبتحبك..
نظرت اليه بشك : وانت ..انت ايه اللي دخلك حياتنا ..كنت ..كمت . عارف كل ده من الاول..مش كده .
حسن : بصي ياجنتي..انا لما عملت اوراق نقل مامتك للمستشفى اتفاجأت انها قريبة واحد صحبي..وكمان اوراقك الرسميه عشان السفر كانت كلها تثبت انك بنت شخص انا عارفه كويس..بالوقت ده انا عرفت انتي مين…
قبل كده مكنتش عارف حاجه..والصدفه جمعتنا..وان شاء الله تكون صدفة خير…
جنى : مين الشخص ده ..مين الشخص اللي انا بنته.. اظن ده من حقي..اعرفه
حسن.: حقك بس انا مش هعرف اقولك عليه عشان ده كمان حق امك..
جنى بانفعال :امي ..امي .. اللي حرمتني من اهلي طول السنين دي انا كنت بتمنى يكون ليا سند..بالدنيا دي..يبقى ليا عيله اخ ..اب ..وهي حرماني منها..
:انا سندك بالدنيا دي قالها حسن وهو يمسك يدها ويقبلها..عمرك ما تدوري على سند وانا موجود…
جنى بدموع : بس…
حسن : قلتلك قبل كده مامتك ليها ظروفها ولما تعرفيها هتعذريها…
جنى..: لكن..
حسن نهض بملل : احنا هنفضل نتكلم بالحكايه دي كتتير يلااا خلينا ننزل نتغدى باي مطعم قريب وكمان افرجك ع البلد اكيد ولا مره زرتيها.
جنى : بس..
حسن : مبسش..انتي هتنكدي عليا ..منتي عرفاني بقفل من النكد..يلااا ياجنتي …ليحذبها من يدها وياخذها وقد قرر اتمام زواجهما بسرعه قبل اي شيء اخر لحاجة في نفسه….
*******
دفعته مريم بكل قوتها وهربت الى الحمام وقفلت على نفسها الباب بخوف …
اما هو لم يتحرك فقد أغمض عينيه وغاب بنوم عميق…غير مدرك بمدى الرعب الذي بثه داخل مريم التي هربت منه بشق الانفس.
********
في قصر الجبالي…
مهران : حقك عليا ياجيجي عارف اني اتأخرت اوووي بس الظروف..
جيجي : ولا يهمك انا عرفت ان شوق تعبت..هي عامله ايه..دلوقتي..
مهران بتعب : الحمدلله بقت احسن..
جيجي : الحمدلله..بعد اذنك هطلع اوضتي..
مهران : جيجي
توقفت ونظرت اليه لتسمع صوته: ..انتي عارفه انتي غاليه عليا قد ايه..وعمر مكنش ابن عمي بس روحي كانت فيه وفراقه وجعني اوووي بس ظروفي مكانتش كويسه عشان كده مكنتش جمبك انا عارف انك زعلانه مني..وده حقك بس..
جيجي : انا عارفه انت بتحبنا قد ايه ومقدره ظروفك يامهران انت اخويا واكيد لو كانت ظروفك تساعدك كنت اول حد توقف جمبي متشيلش هم انا مقدره اللي بتمر بيه..بعد اذنك عشان هنام..
قالت كلماتها بابتسامه لتصعد الى غرفتها..وترتمي على سريرها بدموع وتبكي لوحدها……
اما مهران تنهد بقلة حيله واسرع ليطمئن على شوق التي تركها مع الخادمه لوحدها…لكن كان يجب ان يأتي ليطمئن على جي جي..
فور وصوله شقته اتجه الى غرفته ليجدها نائمه اقترب منها وقبل جبينها بحنان وهو يمسح شعرها..
لتبعد يده بعنف : كنت بات عند جي جي هانم..رجعت ليه.
نظر اليها بصدمه لترمقه بحده وتردد : معاد الفرح امتى بقى ان شاء الله..
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.