رواية لنهلة داوود ٤

وبعد قليل انتهت الطبيبه من فحص رنا وطرقت علي الباب الفاصل ليظهر فريد
فريد بقلق خير يا دكتوه
ايمان بارتباك هيا كويسه بس
فريد بحده مخلوطه بخوف بس ايه
الطبيبه بس_____
الفصل التاسع عشر
فريد بحده مخلوطه بخوف بس ايه
الطبيبه بس هوا ظاهر ان في محاوله اعتداء عليها لان في خربشات وجروح كتير علي رجلها
فريد بسرعه قصدك ايه هيا كويسه

ايمان اه اه هيا كويسه بس الي عوزه اوصله لحضرتك انها يعني بسبب الاعتداء انجرحت جرح طفيف هيا سليمه وكل حاجه بس بسبب الجرح دا ممكن انها تحس ان حصلها حاجه او انها مش بنت بسبب الوجع الي هتحـ,ـس بيه والالم لان واضح ان التعامل معاها كان بعنف ومش طبيعي احم حضرتك فاهم

فريد بتفهم وقد وضحت له الصوره كامله اه تمام
ايمان انا كتبتلها علي كريمات للجروح الي في جسمها ومضاد حيوي وغسول
فريد سريعا مفهوم مفهوم طب هيا دلوقتي كويسه اقصد يعني هتفوق امتي
ايمان لو سبناها نايمه اكيد مش عارفه بصراحه هتصحي امتي لكن ممكن نفوقها دلوقتي ولو اني ارجح انكم تسبوها براحتها ومن الافضل كمان تستشيرو طبيب نفسي

فريد باذن الله بس انا احب حضرتك انتي الي تفوقيها دلوقتي وتفهميها حالتها كويس وطبعا مش محتاج اقول لحضرتك ان مفيش اي حد يعرف بحالتها ولا حتي دكتور مصطفي تمام
ايمان تمام
ثم دلف فريد لغرفته مره اخري واغلق الباب اما ايمان فتوجهت لرنا النائمه في فراشها لتخبرها بحالتها كما اخبرها فريد
بعد محاوله ايمان لافاقه رنا فتحت رنا عيونها بفزع وابتعدت سريعا لتتكور في جنب بعيد من الفراش

ايمان باشفاق علي حالتها ازيك يا رنا
رنا بخوف انتي مين
ايمان بابتسام انا يستي دكتوره ايمان فريد جابني عشان اطمن عليكي واطمنت واحب اقلك انك زي الفل
رنا بتردد بجد انا كويسه بس انا حاسه

ايمان مقاطعه ايوه بجد انتي كويسه الالم الي انتي حاسه بيه نتيجه جرح سطحي جدا محصلكيش اي حاجه وانا كتبتلك غسول وملطفات هتعالج الموضوع دا علطول متقلقيش ثم اضافت وهي تتحضر للذهاب يارب اكون طمنتك يا رنا احسن فريد يولع فيا انا ومصطفي شكلو بيعزك خالص ثم تركتها وخرجت من الغرفه

حنان بخوف خير يا دكتوره
ايمان بابتسامه خير يا جماعه هيا كويسه مفيش داعي للقلق دا ثم اضافت وهي تنظر لمصطفي الذي لم تبتعد عينه عن رهف منذ حضوره
ايمان مصطفي يلي عشان توصلني
مصطفي بارتباك هه اه يلي يا ايمان
رهف بصوت خفيض ممزوج ببعض الغيره الهي يفرمك قطر دكتور فلاتي صحيح ثم عـ,ـضت علي شفـ,ـتيها عندما وجدت مصطفي يقف فجاءه ويلتفت لها ينظر لها بتفحص ولم يكن الوحيد الذي سمعها فقد سمعتها ايمان كذلك اما رهف فقد ذهبت سريعا من امامه