بنتي جالها عريس حكايات زهره الربيع

بس اللي حصل وجعني، ومش عايزة يتكرر معايا ولا مع إخواتي. جوزي فضل ساكت، وبعدين قال بصوت واطي أنا غلطت يا ندى. كانت أول مرة أسمعه يقولها بالشكل ده. كمل كنت فاكر إني لما أرضي أم غادة، هحافظ على البيت، وما فهمتش إني كده بهدمه من جوه. أنا ظلــ,,ـــــمتك، وظلــ,,ـــــمت أمك، ومش هطلب منك تنسي اللي حصل، لكن أتمنى تسامحيني مع الوقت.

ندى دمعت عينيها، وقالت أنا مسامحاك يا بابا، بس أتمنى أشوف التغيير في أفعالك. جوزي هز راسه، ومد إيده يمسك إيدها. أنا كنت واقفة عند باب الصالون، ودموعي بتنزل من غير ما أحس. مش لأن كل حاجة بقت مثالية، ولا لأن السنين اللي فاتت اتمسحت في لحظة، لكن لأن بنتي أخيرًا قدرت تقول لأبوها إنها بتحبه من غير ما تسمح له يظلــ,,ـــــمها.

وفي يوم فرحها، وأنا بلبسها فستانها الأبيض، مسكت وشي بإيديها وقالت إنتِ عارفة يا ماما، أكتر حاجة كنت خاېفة منها مش إن كريم يروح مني. سألتها أمال إيه يا حبيبتي؟ قالت كنت خاېفة أصدق إن قيمتي أقل من غادة، لمجرد إن بابا اختارها مكاني. حــ,,ـــــضنتها بقوة، وقلت لها إنتِ قيمتك مش في عريس اختارك ولا في أب فضّلك على غيرك. إنتِ قيمتك في نفسك، وفي أخلاقك، وفي إنك ما ظلــ,,ـــــمتيش حد حتى وإنتِ مظلومة.

ابتسمت ندى، ومسحت دموعها. وبعد ما خلص الفرح، وشفتها ماشية جنب جوزها وهي مبسوطة، بصيت للقاعة اللي كانت من شهور شاهدة على أصعب ليلة في حياتنا. الليلة اللي دخلتها وأنا فاكرة إن بنتي هت،نهار، خرجت منها وهي بتتعلم إزاي تقف على رجليها. أما غادة، فبعد فترة بدأت تركز في شغلها وتوسع دايرة معارفها، ولما جه لها عريس مناسب بعد كده، وافقت عليه بإرادتها، واتجوزت من غير ما تحتاج تزاحم أختها على مكانها.

وسعاد، رغم إن علاقتنا ما رجعتش زي الأول، بطلَت تتدخل في كل قرار يخصني ويخص عيالي، خصوصًا بعد ما أحمد وإخواته وقفوا معايا ووضحوا لأبوهم إن البيت مش هيفضل ماشي على حساب طرف واحد. أما أنا، فابتديت أتعلم أقول رأيي من غير خوف، وأرفض الإهانة من غير ما أحس إني بهدم بيتي. وفي يوم، وأنا قاعدة مع ندى بعد جوازها، سألتها لو رجع بيكي الزمن لليلة الخطوبة، كنتِ هتعملي نفس اللي عملتيه؟