روايه عند مفترق الطرق بقلم شيريهان سماحه

. مبعرفش اطبخ.. اغسل.. احضر اكل و برضه حاضر.. هدومي مش مكوية و عاوزه خادمة تقوم بكل احتياجتي كانها هي اللي مراتي و حضرتك من النادي دا للشوبن دا و حطيت في نفسي و سكت و برضه حاضر.. إنما توصل إنك تبعديني عن أمي اللي ربتني و تعبت فيا و وصلتني للمستوى دا و تسممي ودني من ناحيتها فده اللي عمري ما كنت هسمح بيه أبدًا.

. و ما تستبعديش وقتها أن كلمة زي الطلاق تفلت مني تاني و تالت في وقت مشحون زي دا.. فخرجت نبرتها المستفزة.. ـ واديك اهو حافظت على كرامة الست الوالدة و طلقتني راجع تاني ليا ليه بدال شايل في قلبك قوي كدا.. ـ مش بمزاجي يا هانم.. والدك اللي هو لواء وحدتي و الحاكم الناهي فيها وفي حياتي طالب مني اراضيكي.

. و غصب عني و عنك مفروض نطلع من المكالمة دي مرضيين و إلا.. تملكها القهر من بجاحتهما الصريحة فانتفضت صارخة.. ـ و إلا إيه.. أنتو بتحلموا.. لأن عمري ما هحقق ليكم حلمكم.. يا ريت توصله دا.. روح قوله بنتك مازالت عند رأيها و مش هتغيره مهما عملت أنت و هو.. ـــــــــــ في اليوم التالي و دون تأخير اودعت نورا أوراقها الخاصة و الحتمية لخوض تلك المعركة.

. لتبلغها الأخيرة من فورها بالعنوان و موعد بدء العمل.. فشكرتها بامتنان عن جزيل معروفها.. ثم باتت تعي لمباراتها القادمة معه ما أن يعلم بذلك الخبر.. و صدق حدسها حين تبلم أمامها بذهول لا ينطق حرف و لا يهمس ببنت شفة عقب ما سردته عليه توًّا.. مما شعرت بأن صمته ذاك ما هو إلا توابع لعاصفة قادمة.. و بالفعل صدح استنكاره عاليا.. ـ بتقولي إيه لأن مستوعبتش كويس.. فازدردت ريقها ببطء و هو تجابهه بثبات.

. ـ لو سمحت وطي صوتك عشان نقدر نتناقش زي اتنين متحضرين.. فصرخ عليها بغضب.. ـ اي مناقشة و أي تحضر بطلبني بيهم و أنا زوجتي راحت من ورا دهري خلصت كل حاجة و جاية تبلغني بخطوة التنفيذ.. استفزها بحديثه فلم تعي لنبرتها الحانقة.. ـ و أي زوجة تقصد برضه أنت.. اللي سابت أهلها و وثقت فيك بين جدران بلد متعرفهاش.. و جيت حضرتك بكل بساطة صدمتها بتصريحك القاسي ليلة فرحها.

. اللي عايشة معاك بنية طلاق معقودة جواك و مصمم عليها.. اللي حسه أنها عيشه على كف عفريت مستنية اهانة سيادتك ليها و طردها في أي لحظة جاية.. اللي بتحاول تحفظ كرامتها من موقف زي دا قبل ما يحصل.. مواصلة بضيق و هي تعقد ذراعيها.. و لا أنت حابب تفضل تهين فيها كدا كتير.. مع انتهاءها انجرفت دموعها دون حسبان لتعلو شهقات نحيبها بقوة.. مما تقدم نحوها يقبض على ذراعيها متمتمًا.