عروسه علي خط النــ,,ـــــار نورهان العشري

سليماني مية في المية.. لأن فلوس الورث خرجت من حسابك أنتِ لحساب البائع مباشرة، حتى لو هو حاول يضغط عليكِ عشان تمضي على عقد شراكة، القانون واقف جنبك تمامًا وميقدرش ياخد متر واحد منها.. بس الشغل كله مش في الشقة يا مريم.»قلت بقلق وخوف قلبى بيدق بسرعة: * «أمّال إيه؟

كريم عنده ديون في الشركة، وكان ناوي…»قاطعتني فرح وهي بتفتح ملف قديم أصفر ومتهالك شوية، وطلعت منه ورقة عقد قديمة وقالت: * «الديون دي أهون بكتير من اللي لقيناه في السجلات التجارية لشركته وفي قضايا العقارات الأخيرة..

كريم أسس شركته دي من سنتين على إيد واحد شريك تاني ساكت، شريك دفع راس المال كله في الخفاء عشان الشركة تقف على رجليها، ولولا الفلوس دي، كانت الشركة أفلست من زمان.»بابا بص لها باستغراب وسألها: * «ومين الشريك ده؟ حد من عائلته؟

»فرح بصت لينا الاتنين نظرة غريبة، وطلعت ورقة تانية فيها توقيع وختم، وقالت: * «المفاجأة الأكبر إن الشريك ده مش من عيلته.. ده من عيلتك أنتِ يا مريم!»حسيت إن الأوضة بتلف بيا، والدم جمد في عروقي، صوتي طلع مكسور وأنا بسألها: * «قصدك إمين؟

مين من عيلتي؟»فرح حطت صباعها على اسم مكتوب بخط واضح تحت التوقيع وقالت: * «ابن عمك… رامي عبد الرحمن!»عيوني وسعت على الآخر، وبابا صرخ بصوت عالي كأنه متصدم: * «رامي؟! ابن أخويا رامي دخل شريك مع الواد ده؟! وبفلوس مين؟!»فرح ردت بهدوء مرعب: * «مش بس دخل شريك.

. رامي هو اللي موّل شركة كريم بكل فلوسه، والعقد ده فيه بند سري مكتوب بخط صغير: في حال فشل جواز كريم من مريم، أو حدوث طلاق خلال أول سنتين، تنتقل حصة الشركة والأسهم كلها تلقائيًا لملكيات رامي عبد الرحمن، وكريم بياخد عمولة كبيرة نظير تنفيذ الخطة دي وإيقاعك في حبّه!

يعني جوازكم من الأساس… كان صفقة تجارية متفق عليها بين جوزك وابن عمك من ورا الكل!»…….أنا بصيت لفرح وبابا، وكأن في حد كبّ على دماغي مية ساقعة في عز الصيف. اسم رامي ابن عمي وهو متردد قدامي في العقد كان صدمة أكتر من خطة الشقة بكتير.

رامي ده اللي من يوم ما توفى عمي وهو بيلعب دور الأخ الحنين والخايف عليا، واللي دايماً يقعد معايا يحكي لي عن طموحاته وسفره، وهو في الظاهر بيكره كريم أصلًا وبيعمل قدامنا مش طايقه!بابا اتنفس بصعوبة وعروق رقبته بارت، وقام وقف بعصبية وخبط بإيده على المكتب وقال بصوت ماليان غضب وقهر: * «ابن الكلب!

رامي! هو اللي يعمل فيا كده؟ بعد ما وقفت جنبه وطلّعته من القضية اللي كانت هتضيّع مستقبله من سنتين، يعمل في بنتي مقلب ويلعب بيها كأنها سلعة عشان يكسرني بيها ويشارك جوزها من ورانا!»فرح حاولت تهديه وقالت بصوت هادي وعملي: * «اهدى يا فندم، العصبية مش هتحل حاجة.

العقد ده وإن كان قانوني على الورق، إلا إنه بيحتوي على بند باطل قانوناً، وهو استخدام الضغط النفسي والتغرير والتدليس لإيقاع الضحية في الزواج بهدف الاستيلاء على أملاك أو لتحقيق مصالح مادية لطرف ثالث، خصوصًا وإحنا معانا التسجيل الصوتي اللي جوزك بنفسه بيعترف فيه إنه متفق مع حماتك على كل التفاصيل دي.