مفتاح العزه نورهان العشري

. وشكلنا مش هندخل في حوارات كلام تاني.»المعلم رجب دخل ببوابه الدار كأنه مالك المكان، وبص لحسن بنظرة تحدي وقال بصوت عالي: — «يا سي حسن! سامع إن في ضيف غريب دخل بيتك، وواخد معاه حاجات مش من حقه.. وفاتح ورشة في حوش راجل محترم! سلّم الست دي بالصندوق اللي معاها، وخلّينا أصحاب أحسن.

»حسن طلع من على الدرج بهدوء تام، ولا كأن قدامه جيش جاي يحارب، ووقف قصاد المعلم رجب على بعد خطوات، وقال بصوت حازم: — «بيتي مش فندق يا معلم رجب، واللي يدخل دار حسن الشناوي في ضيافتي، ما حدش يمد إيده عليه. . ولو على الصندوق، فهو هنا، بس يثبت حقه بالطريقة القانونية مش بالعصايتين اللي معاك دول.

»رجب ضحك ضحكة صفراء، ووجه نظره لزينب اللي كانت واقفة جنب العربية بثبات: — «فكراكِ هتهربي بالدفتر وتستبيعي ورشة جوزك الله يرحمه؟ الدفتر ده بتاعي، والست دي حرامية سرقت تعب السنين! »زينب طلعت من وراء ظهر حسن، ورفعت راسها لفوق وقالت بصوت قوي هز الحوش كله: — «كذاب! الورشة أنا اللي كنت بشتغل فيها بإيدي قبل ما جوزي يمــ,,ـــــوت، والدفتر ده خط إيدي أنا واختراعي أنا وجوزي، وكنت ناوي تطردني عشان تاكل حقي وحق عيالي بالحرام!

»رجب اتعصب ورفع عصايته وقال لرجاله: — «هاتوا الصندوق والست دي.. غصب عن الكل!»الرجالة اتقدموا، بس حسن ما استناش.. طلع نبوت قصير كان دايماً معلقه جنب باب الدار، ووقف قدامهم كالسد المنيع وقال: — «اللي هيخط خطوة كمان ناحية الدار دي، هعرفه عيشة البلد صح. . ارجع يا رجب، وإلا والله ما هخليك تسيب الحوش ده ماشي على رجليك!

»المعلم رجب حس إن اللعبة كبرت عليه، وإن حسن الشناوي مش راجل سهل، فشد لجام حصانه بغضب وقال وهو ماشي: — «حسابنا لسه ما خلصش يا حسن.. والبلد دي ضيقة وهنتقابل تاني! »بعد ما مشيوا، ساد السكون الحوش، حسن بص لزينب اللي كانت ملامحها ثابتة بس قلبها بيدق بقوة، وقال لها بصوت هادئ ومطمئن: — «شكلنا كده يا ست زينب.

. فتحنا باب على نفسنا مش هيتقفل بسهولة.»رفعت زينب عينها فيه وقالت بجدية: — «والعربية اللي صلحتها برة دي.. جاهزة تسافر بيك لأبعد طريق تحبه.. بس هل أنت جاهز لللي جاي؟»حسن ابتسم ورمى السيجارة على الأرض وداس عليها برجله: — طول عمري جاهز.. اتفضلي جوه ارتاحي، لسه الليل طويل وياما هتشوفي.………….الليلة نزلت بكل ثقلها على الريف المصري، هادية من برة لكن مليانة نكد وقلق مستخبى وراء سكون الليل.

في أوضة الاستقبال الواسعة، كان السراج منوّر بنور أصفر ضعيف بيعكس ظلال العمدان الخشبية على الحيطان. حسن قاعد على الكرسي الخشب الكبير، وقدامه كوباية شاي بلدي مبيّنة بخارها، وعينه معلقة على الدفتر الجلدي القديم اللي زينب حطته على الطابولي قدامه. زينب كانت واقفة قصاده، إيديها متكتفة، ومستنية تشوف رد فعلّه بعد ما يفتح الدفتر ويشوف بعينه الأسرار اللي جوه.