خادمة القصر3

تنهد الرجل ثم فتح الحقيبة واخرج عدة اوراق ونشرها بتساو على الطاولة كانت اول صورة النص الاخر من الخريطة الموجودة معي وعندما اشار الرجل اليها وقال:دة الجزء التاني من الخريطة الي معاكي ,دي خريطة مكان ولحد دلوقتي منعرفش ايه هو المكان دة او فين
نظرت اليه بشك ووضعت يدي على الصور قائلة :انا قلت اني عايزة اعرف الحكاية من اولها ,ايه الي حصل لماما ؟

نظر الرجل الي ايوان وتبادلا الاثنان نظرة لم افهمها ثم تنهد الرجل مرة اخرى واعاد الصور الي الحقيبة وبدأ يحكي الحكاية منذ البداية :انا مش متأكد انتي فاكرة الموضوع دة ولا لا لكن لما كنتي صغيرة ,القصر الي انتي كنتي موجودة فيه ,تعرض للهجوم من ناس كانوا هيقت*لوا صاحب القصر وبعدها بفترة .......قاطعته قائلة:طردوني من البيت
هز الرجل رأسه بالنفي وقال:محدش طردك من البيت الي حصل دة كان عشان حمايتك

فتحت فمي وقلت بصدمة :حمايتي ؟ثم تذكرت ما قاله :كانوا هيقت*لوا صاحب القصر؟؟؟؟؟؟؟ازاي وهو مات اصلا
نظر الي الرجل لمدة طويلة ثم قال:اليوم دة مامتك اتصابت وكانت هتمو*ت عشان كدة صاحب القصر اخدها لمكان محدش يعرفوا غيره عشان تتعالج وتكون كويسة ,الي انتي ممكن متكونيش عارفاه هو ان صاحب القصر الي انتي كنتي عايشة فيه كان بيعشــ,,ـــــق والدتك لدرجة ان حتى زوجته كانت عارفة الموضوع دة وساكته وكل مرة كانت بتحاول تبعدها عنه كان صاحب القصر بيتعامل معاها بقسوة لحد ما كرهتها,وفي يوم عرفت ان صاحب القصر اتجوز الخدامة الي كان بيحبها

كدت ان اسقط من الكرسي على الارض من الصدمة ,وقفت من مكاني وتطاير شعري في كل مكان وفجأة بدأ جسدي يرتجف دون توقف وقلت :ايييييييييييييه ؟وضع ايوان يده علي يدي واجلسني قائلا:اقعدي الناس شايفانا خليكي هادية مش عايزين اي حد يحس ان فيه حاجة
ابعدت يده عن يدي وقلت للرجل :كمل كمل

عاد الرجل في سرد الحكاية مرة اخرى وقال:طلبت زوجته الطلاق فورا ورفضت انها تتساوي بخدامة شغالة في القصر ,لكن هو رفض عشان الاطفال ,بس اشترالها بيت بعيد عن القصر تعيش فيه مع الاولاد ,ومتبقاش غير مامتك الي برضوا فضلت خدامة وبعدها بفترة رجعت زوجة صاحب القصر وطلبت منه انه يرجعها تعيش في القصر وهي موافقة بكل شروطه لانها كانت بتحبه جدا ,بس كل حاجة اتغيرت لما انتي اتولدتي ,

لا لا لالاااااااااااااااااااااا اااااااااااااااااااااااا
لا لالالالالالالا
لا يمكن
انا متأكدة انه لا يعني ما اعتقد انني قد سمعته
هل ........هل .........هل ما يقصده ان صاحب القصر هو والدي وانه لم يمت ؟؟؟؟؟؟؟؟؟؟؟؟؟؟؟نظر الي الرجل وكأنه قد قرأ التعجب على وجهي عندما قال :صاحب القصر هو ابوكي ,وسماكي همسة على اسم جدته ,بس في الوقت دة ,كان هو بيشارك في احداث سياسية في البلد ومكنش هيقدر يعلن انك بنته قدام الناس على الرغم من انه كان متجوز والدتك شرعا ,كل الي كان في القصر كانوا عارفين انك انتي بنتوا ,ما عدا شخص واحد بس مكنش يعرف لانهم كانوا خايفين انك تتكلمي لانك كنتي مجرد طفلة مش هتقدر تتحكم في عفويتها