شهد حياتي ٣ سوما العربي

تقدم منهم وقبض على كتف ماهى بتملك وضمها له:انت اللي ازاى واقف تتكلم معاها كده.
طارق:والله انا راجل دوغرى... شكلك قريبهم او اخوهم.. وياريت نبقى نسايب.
اتسعت اعين ماهى وملك أيضاً هل يوجد من يعرض الزواج هكذا من اول لقاء.. ولم يحدد من تاتى فخير وبركه.. ما هذا. ولكن ملك أمرها يهون فما بال تلك التى تخطب من زوجها.

عز بغضب تراه ماهى لاول مره تقدم منه وقبض على فكه بشراسه وقال:بس ياض يافرفور انت... هعتبر نفسى ماسمعتش حاجه وانت تلم نفسك وخاف على عمرك ها.. مش عايز اطلعلك عز الشبح من جوايا... اصحى يالا ده انا من الوراااق.
طارق :ماقولتلك انا دوغرى ومافيش ولا واحدة فيهم لابسة دبلة تبقى اكيد منفصلة... ايه العيب في كده مش فاهم.

نظر عز ليد ماهى بغضب وجدها فعلاً فارغة احمرت عينيه وقبض على يدها بعدما حمل ابنته وذهب يجرها خلفه جرا ولم يحاول أو يتذكر حتى امر ملك وكيف ستعود كل ما اخذ باله منه هو أن هناك رجل يريد خطب زوجته.

يلاطفها ويغازلها.ظلت ملك لأكثر من دقيقه مزهوله مما حدث ولكن مالبست ان ابتسمت بحب ورضا فعز لم يحبها اطلاقا من الممكن أن يسمى إعجاب او اقل أيضاً. فهو حين غار... غار على زوجته وحبيبته لم ينتبه لوجودها من الاثاث.

اقترب طارق منها وقال :ممكن اوصلك فى طريقى.

نطرت له ملك بحرج وقالت :لا مالوش داعى شكراً.
طارق:انا عارف إنك اكيد اخدتى عنى صوره غلط بس بصراحة انتو الاتنين فيكوا حاجة مشتركة وكنت مش عارف مين فيكوا المرتبطة ومين لأ وانا نادرا مابيعجبنى حد وارتاحله فامحبتش اضيع الفرصه خالص حتى لو طريقتى هتبان زباله جدا... ممكن اعزمك على الغدا واحكيلك.

ملك بخجل:لا خالص مش هينفع... كمان سايبه ابنى لوحده.
طارق:هو انتى كمان مرتبطه.
ملك :لا انا منفصلة عن جوزى بس معايا ولد ماشاء الله14سنه.
ابتسم طارق يعلم أنها تقول هذا كى ترى رد فعله وتعلمه أن لديها فتى ويعيش معها وليس مع والده كى يكن على نور.
تحدث قائلا :ممكن رقم تليفونك.

لم تجيب وكساها الحرج فقال :يبقى اتفضلى معايا عشان عارف انك مش هتديهولى بسهوله.. بس لما تعرفينى هتعرفى انا اتصرفت كده ليه.
قفت لا تعلم اتذهب ام لا وماذا تفعل.
عاد يونس من عمله وصعد لغرفته هو وشهده وجدها تجلس على حافة الفراش يبدوا انها تنتظره.
حاول تجاهلها وهم للذهاب كى يبدل ثيابه. لكنها توقفت امامه وبدون مقدمات احتضنته بشدة وقالت :خلاص كفايه عقاب بقا والله ماهبعد تانى ولا هسيبك تانى... صالحنى والنبى.

اغمض عينيه يبتسم بحب على طريقتها البسيطه ولكنها تذيبه بها.
ضمها له بشوق فهو كان يبذل جهدا كبيرا ليظل على موقفه من عقابه لها ولكن كل عضله بجسده تأن شوقا لها.

ابتسمت بحب حتى ادمعت عيناها وقالت :مش هعمل كده تانى والله بس ماتبعدش عنى.
يونس :غصب عني بس فكرة إنك تبعدى عنى قتـ,ـلتنى... انتى عارفه انى ماعرفش اعيش من غيرك تقومى تسبينى.. انا ماعرفتش انام بعيد عن حضنك.. مش حابب انك كل يوم والتانى تستغلى عشقى وجنونى واحتياجى ليكى ده الى زعلنى.