عداله مريم نورهان العشري

»التصفيق ملا القاعة. سامح أول ما سمع الاسم وشافني طالعة على المسرح، كاس العصير في إيده اتهز ووشه اتقلب ألوان. مسكت الميكروفون وابتسمت للضيوف:ـ «أهلاً بيكم جميعًا في فندقكم. الليلة دي مش بس احتفال بتوقيع عقد استثمار جديد… الليلة دي احتفال بتطهير المكان ده من أي حد افتكر إن الفلوس والنفوذ ممكن يغطوا على السرقة أو يخلوا الإنسان ينسا أصله وإنسانيته.

»شاور إيدي ناحية الباب الرئيسي. دخل ظباط شرطة الأموال العامة بخطوات سريعة وصارمة. القاعة كلها سكتت وذهول ملا الوجوه. الظابط قرب من الطاولة اللي قاعد عليها سامح، وطلع أمر النيابة:ـ «الأستاذ سامح عبد الرحمن؟ اتفضل معانا بخصوص قضايا اختلاس وتزوير وتسهيل استيلاء على أموال الشركة.

»سامح وقف وهو بيترعش، وبصلي بنظرة رجاء وخوف، بس أنا بصيتله ببرود التام. الشرطة كلبتشيت إيده وأخدته بره القاعة قدام كل المستثمرين ورجال الأعمال اللي كانوا موجودين. قربت من الميكروفون تاني وقلت بنبرة واثقة وصوت مسموع للكل:ـ «الفندق ده اتبنى على فكرة واحدة بس… إن كل إنسان يدخله، مهما كان شكله أو لبسه أو مستواه، لازم يحس إنه محترم ومهم.

وأي حد هيحاول يغير الفكرة دي، مش هيكون ليه مكان وسطنا.»صوت التصفيق هز القاعة كلها من جديد، والكل كان بيبصلي باحترام وتقدير. بعد ما الحفلة خلصت والهدوء رجع للمكان، طلعت الجناح بتاعي. فتحت الباب بهدوء، لقيت ليلى قاعدة على السرير ومستنياني.قربت منها وأخدتها في حضني، وبصيت من الشباك على النيل والأضواء اللي بتلمع على المية.

مسكت الورد الأحمر اللي كان فاضل منه وردة واحدة سليمة، وحطيتها جنب صورة جوزي الله يرحمه. تنفيست براحة وقلت بصوت واطي:ـ «حقك وحق بنتك رجع يا حبيبي… والمكان اللي تعبنا فيه، هيفضل دايماً نضيف.»تمت.……..