بصيت لمراد وقلت بصوت هادئ لكنه حازم يقطع حد السكين:ـ "مش بس حجز، يا أستاذ مراد. امبارح الموظف باسم، وزميله كريم، طردوني من الفندق بالذوق… وقالولي أروح أنام في نُزل شعبي على الطريق الدائري، عشان شكلي ولبسي ما يليقش بمستوى الفندق الفاخر بتاعي!"باسم كأن مياه ساخنة كُبتت فوق راسه، وبلع ريقه بصعوبة وطلع صو يا دوب مسموع:ـ "يا فندم… أنا… أنا ماكنتش أعرف…"قطعته وبصيت له بعينين جامدين:ـ "لو كنت تعرف ولا ما تعرفش، دي مشكلتك يا باسم.
الشغلانة دي مش محتاجة واحد بيبص للناس من فوق لتحت، الشغلانة دي محتاجة إنسانية وأمانة واحترافية… ودول التلاتة مش موجودين عندك."وبصيت لمراد وكملت:ـ "باسم وكريم، مرفودين فورًا، وبدون أي مكافأة نهاية خدمة، ويتعمل في ملفاتهم جزاء يمنعهم يشتغلوا في أي منشأة سياحية تابعة للشركات بتاعتنا تاني.
"كريم انهار وبدأ يعيط ويترجي:ـ "لا والنبي يا أستاذة مريم! عائلتي… بيتي… أرجوكِ سامحيني!"ـ "لو كنت رحيم بالناس الغلابة اللي بتدخل الفندق، كنت لقيت رحمة," رديت عليه ببرود، وبعدين بصيت لمراد: "برّدهم برا القاعة حالاً."الأمن جه في ثواني وسحبهم، والقاعة بقت هادية تمامًا.
بس قبل ما مراد يتنفس الصعداء، كملت كلامي بجدية أكبر:ـ "المشكلة مش في باسم وكريم وبس يا مراد… المشكلة الأكبر في السيستم. ليه حجز خاص بيا أنا يختفي؟ وليه فيه تبويبات حجز سرية أو مخفية في السيستم التنفيذي محدش بيوصلها غير لما يحصل تفتيش؟"مراد بلع ريقه وقرب مني بخطوات مترددة، وطلع فلاش ميموري من جيبه وحطها قدامي على الترابيزة وقال بصوت واطي:ـ "حضرتك كنتي صح يا فندم… امبارح بعد ما مشيتي، قعدت مع مهندس الصيانة وسحبنا لوغاريتمات السيستم كله.
اكتشفنا كارثة… فيه تلاعبات ضخمة بتحصل في حجوزات الغرف الـ VIP الكبيرة من أكتر من 6 شهور، وفلوس كتيرة بتدخل في حسابات فرعية بره حسابات الفندق الرسمية، واسمك, بالذات، كان بيتشال يدويًا من السيستم عشان لو حد سأل، يقولوا إن الغرف دي فاضية أو محجوزة لجهات وهمية!"بصيت للفلاش ميموري، وبعدين بصيت لمراد، وحسيت إن الغلطة اللي عملوها معايا امبارح، وطردي بالطريقة دي، ما كانتش صدفة ابدًا… دي كانت الهدية اللي ربنا بعتهالي عشان أكشف بيها العصابة اللي كانت بتسرق الفندق من جوه!
ابتسمت بهدوء ورجعت لورا على الكرسي:ـ "شكل حفلة الليلة دي مش هتكون لتوقيع الاتفاقية وبس يا مراد… دي هتكون ليلة القبض على الحرامية."…….أخدت الفلاش ميموري من على الترابيزة وقبضت عليها بإيدي. بصيت لمراد وقلت بصرامة:ـ «النيابة العامة ومباحث الأموال العامة يتبلغوا فورًا، بس بدون أي شوشرة.
كل الحسابات الفرعية دي تتجمد، والتقرير المالي الكامل يترفعلي على مكتبي خلال ساعتين بالكتير.»مراد هز راسه بسرعة ووشه مغرق عرق:ـ «تحت أمرك يا أستاذة مريم، كل حاجة هتجهز فورًا.»ـ «وحاجة تانية يا مراد…» وقفت وأنا برتب جاكيت البدلة: «الست لوزة، عاملة النظافة اللي كانت واقفة امبارح في الاستقبال… تجيبها لي مكتبي حالا.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.