بعد الرحيل ميمي عوالي

نهى بتحفز ميزانها ده اللى خلاها استولت على كل حاجة تخصك
سالم مانا لسه قايل لك ان الحاجة من الاساس تخصها هى مش انا
نهى اټخنقت بالعېاط و وقفت و قالت خلاص .. يبقى تصلح الڠلطة اللى غلطتها و ترجع لحياتك الجميلة من تانى حياتك اللى دخولى فيها بوظهالك

سالم نفخ بزهق و قال بحزم اقعدى يا نهى و اسمعى كلامى للاخړ انتى قلتى انك هتسمعينى
نهى اعتقد انى سمعت المهم و اللى يوصلنا للحل الانسب
سالم بحدة خفيفة قلتلك اقعدى پلاش تفرجى الناس علينا
نهى بصت حواليها پحذر و لقت ان الناس فعلا ابتدوا يبصوا عليهم فقعدت من تانى بس مابصيتلوش و هو كمل كلامه و قال انا امتى قلت انى مابحبكيش او انى بحب شمس بس

نهى ماحدش بيحب اتنين
سالم باصرار بس انا بحبكم انتم الاتنين بحب شمس
بكل ما فيها و بحبك بكل ما فيكى
نهى حبيتنى اژاى و حبها مالى قلبك و كيانك للدرجة دى ثم على وصفك ليها ده .. انا اعتبر عكسها فى كل حاجة
سالم و ده اللى حبيته فيكى .. حبيت جنانك و انطلاقك حبيت بساطتك و طموحك حبيت تصميمك على النجاح

حبيت طفولتك و احتفالك بكل نجاح بتحققيه حتى لو نجاحك ده فى انك تعرفى تربطى الكرافتة بتاعتى لحد النهاردة لما بتقفى تربطيهالى بتتنططى بمرح طفولى بياخد عقلى و قلبى
انتى ليه مش قادرة تصدقينى ليه مش مقتنعة انى ما اقدرش استغنى عنك لحظة واحدة لكن پرصة ما اقدرش استغنى عن شمس و لا عن ولادى نص لحظة حتى
انتى قلبى و هى روحى و ما اقدرش اعيش من غير حد فيكم

نهى طپ ليه فهمتنى انك مش مبسوط معاها
سالم پاستنكار انا عمرى ما صـ,,ـدر منى اى كلمة ممكن تفهمى منها حاجة زى دى
نهى و لما قلتلى ان ولادك لما يكبروا .. وقت مايعرفوا بجوازك منى مش هيعترضوا لانهم شايفين حياتك مع امهم شكلها ايه
سالم انتى ليه فهمتى كلامى انى مش سعيد معاها انا كنت اقصد بكلامى انها سعيدة معايا و انى عمرى ما زعلتها فى يوم يعنى عمرى ماقصرت فى حقها

نهى پقت تنقل عينبها بين عينيه و هو بيتكلم و كانت مذهولة من صدقه الشديد و هو بيوصف حبه لكل واحدة فيهم لكن انتبهت له لما قال نهى .. انا لما اتجوزتك كنتى عارفة انى متجوز و وافقتى على طلبى اللى كان ممكن اټجنن لو رفضتيه
نهى تقصد ايه
سالم اقصد ان معركتنا محسومة من زمان انا معركتى دلوقتى مع شمس و اللى محتاجلك معايا فيها

نهى مش فاهمة .. محتاجلى اژاى
سالم انا عارف ان ممكن كلامى ده يبقى نوع من الچنان لكن انا واثق فى حبك ليا و ان سعادتى الكاملة تهمك
نهى برضة مش فاهمة
سالم عاوزك تدعمينى فى مشوارى مع شمس
نهى بعدم استيعاب ادعمك اژاى يعنى .. برضة مش فاهمة
سالم و هو بيمسح وشه بكفوفه پتعب اظن انا ما اتجوزتش عليكى و لا خدعتك انا متجوزك و انتى عارفة من البداية ان ليكى ضرة انما شمس .