ولكن نطقت روز پغضب
محمد اسكت خلاص من غير ولا كلمة وتعالي ساعدني علشان أخرج من هنا
نظر محمد پغضب لعاصي وساعد روز في الخروج
وفجأة وقفت روز وقالت بصوت مجهد وعلامات الألم واضحة عليها
اعتبر يا بشمهندس الوصية انتهت انا هتنازل عن حقي في المزرعة والفلوس وحلال عليك المزرعة ألف مبروك
خرجت روز وهي تحاول الصمود والتمسك
اقترب
منها محمد وقال لها
ليه ما دفعتش عن نفسك وقولتي إننا إخوات في الرضاعة وإن أمي هي اللي ربتك معايا
مسحت روز دموعها وقالت
الدفاع عن نفسي لوحده إهانة ليا أنا لما أقف أدافع وأبرر يبقى
أنا غلطت وأنا مغلطتش
ده واحد مريض نفسه ينتقم من اللي حصل لهم زمان بأي طريقة وكأن انتقامه مني هيخلي اللي حصل زمان يرجع
سيبه يمكن ده يهبطه هو دكده ولا كده مش هيفرق معاه الكلام ده بص يا محمد أنا عاوزة أسيب المزرعة النهاردة ومش عاوزة حد يعرف طريقي
طيب ماشي يا روز بس بشرط تيجي عندنا البيت ماما هتفرح لما أشوفك
تنهدت روز وقالت
لا طبعا يا محمد أنا أصلا هسيب هنا خالص وأنزل مصر ومش عاوزة حد يعرف طريقي
هتعملي ايه في مصر لوحدك
هقطع إجازتي وارجع أدرس في الجامعة مش أنا أخذت إجازة علشان بابا كان معترض إن أعيش في مصر لوحدي والمزرعة كانت وقتها محتجاني اهو جه الوقت اللي أقطع فيه الإجازة
وفي الداخل شعر عاصي أنه اتسرع في الحكم عليها ولكن اقتربت منه هبه وهي تضحك وتكاد تطير من الفرحة وقالت
برافو عليك يا عاصي واحدة زي دي ما كنش ينفع تشيل اسمك بجد برافو
رجعت رنا وهي ما زالت في حالة زهول مما حدث
ووجهت كلامها نحو هبه
انتي ايه انتي شيطان مش بني آدم كفاية بقا السم اللي عمالة تبخيه ارحمينا بقا من شرك اتقي الله
قالت أمها پغضب
_ رنا انتي اټجننتي انتي ازاي تكلمي بنت خالتك بالطريقة دي
قالت رنا پغضب وقد انسابت دموعها
أنه طريقة تحبي أكلم بيها جناب البرنسيسة كنتي زمان بتفضليها عليا وكنت بقول يمكن علشان احنا عايشين عندهم لكن لحد دلوقتي لسة بتفضلي هبه عليا ليه اديني سبب واحد يخليكي تعاملي كده ليه يا أمي رغم ظروفي اللي الكل عارفها درست وأخذت شهادة وده لولا تشجيع عاصي ليا أن أنا هقدر والعجز ما هو اللي رشاقة بيعلق عليها الفاشل فشله وعافرت واتخرجت وحضرتك برضوا مش شايفة غير هبه حرمتيني أفرح بنجاحي وتخرجي علشان هبه بتعيد
الثانوية العامة للمرة الثالثة غير سنتين مأجلة وكأن ده عقاپ لي وحتى مبروك ما قالتهاش لي
ثم التفتت نحو عاصي وقالت پغضب ولأول مرة تثور فيه
وانت يا عاصي بقيت خلاص كلمة توديك وكلمة تجيبك أي حد يقولك حاجة تصدقها من غير ما تتحقق منها وأنت عارف ومتأكد أن هبه بتشعللها ليه تديها الفرصة افهم بس ليه وأنت متأكد إن روز مش كده ليه يا عاصي تكسرها ما محمد كان قدمها من زمان لو كانت عايزاه كانت اتجوزته ايه هيخليها تصبر كل ده
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.