قصت نور لها فكرتها فتحدثت بسمه بعصبيه : لع طبعا انتي اتجننتي
نور بضيق : عندك حل تاني
بسمه : لع بس انا هكون معاكي خطوه بخطوه ومفيش اي حاجه توحصل غير لما تجوليلي
نور : ماشي يلا نروح
ذهبت نور وبسمه الي فيلا فارس وطلبوا من الخادمه ان يطلبوا من محروس ان يقابلوه فدخلت الخادمه الي غرفه المكتب وتحدثت بتوتر : محروس بيه
فارس بضيق : مش شايفانا بنشتغل عاوزه اي عاد
الخادمه : ست نور وست بسمه بره وعاوزين حضرتك
محروس بسعاده : بجد جوليلهم يدخلوا بسرعه
خرجت الخادمه واخبرت نور وبسمه فدخلوا الي المكتب نظر فارس اليهم بضيق ثم تحدث بعصبيه مردفا : جاين اهنيه ليه
نور بحده : لع لع عيب اكده تعلي صوتك علي مرت عمك
انصدم الجميع من حديث نور عادا بسمه الواقفه وعلي وجهها ابتسامه انتصار فتحدث فارس بعصبيه : انتي اتجننتي مرت عمي كيف
نور ببرود : انا وافجت علي عمك وهجعـ,ـد اهنيه لحد ما نتجوز انا وهو
ثم نظرت الي منصور وتحدثت بدلال : ولا انت خلاص مبجيتش عاوز تتجوزني يا حج
منصور بلهفه : لع طبعا عاوز ياريت انا نفسي اتجوزك انهارده جبل بكره
نور : وكمان هجعد اهنيه لحد ما نكتب الكتاب علشان اهلي طردوني
منصور بسعاده : انتي تنوري دا بيتك
نظرت نور الي فارس بأنتصار ثم تحدثت بابتسامه : مش هتعرفوني عليكم عاد
عزيزه بابتسامه : اهلا يا بنتي انا عزيزه ام فارس ومرت اخو الحج منصور
نور بابتسامه : اهلا يا خاله
بسمه : وانتي مين
رشا : انا رشا مرت فارس
نظرت بسمه لنور ثم تحدثت بضيق : اهلا بيكي
رشا بابتسامه :اتفضلي معايا اطلعك اوضتك
بسمه : طيب نور انا همشي وهبجي اجيلك كل يوم اطمن عليكي خلي بالك من نفسك
نور وهي تحتضنها : متتأخريش عليا مع السلامه
ذهبت بسمه وصعدت نور مع رشا الي الغرفه اما عن منصور فكان في قمه السعاده دخلت نور الي المرحاض واخذتت حمام دافئ ثم خرجت وارتدت ملابسها وحجابها ونزلت الي العشاء كان فارس يجلس بجانب عمه ورشا بجانبه فنظرت نور اليه ثم تحدثت بخبث مردفه : مكانك مش اهنيه دا مكاني جار جوزي المستقبلي
نظر فارس اليها بعيون ناريه ثم نهض وصعد الي غرفته فتحدث منصور بضيق : فارس جام من غير ما ياكل حاجه
نور بدلال : متزعلش يا حبيبي بس مكنش جصدي ازعله خلاص انا هطلعله الواكل بنفسي
رشا : ارتاحي انتي وانا هطلعله
نور : لو مكنش يضايجك انا هطلعله الواكل واعتذرله
رشا بابتسامه : لع عادي اتفضلي اطلعي
اخذت نور بعض الطعام وصعدت علي درجات السلم حتي وصلت الي باب غرفته جاءت لتفتحه ولكن قاطعها حديثه في الهاتف وهو يتحدث مردفا
فارس بعصبيه : جولتلكم كل حاجه تتنفذ انهارده علشان فايز ورأفت بيه يكونوا مرتاحين ان شغلهم تم مش عاوز غلطه مفهووم ولا لع
انهي فارس حديثه والقي بالهاتف فدخلت نور وتحدثت بابتسامه : اكده تجوم من علي الواكل بسرعه
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.