روز نرمين قدري٢

+ يعني ماتقوفيش تكلمي مع اي حد
-تمام موافقة بس يكون الفعل متبادل زي ما عاوزني احترامك انت كمان تحترميني وتحترم أن مراتك
+ مش فاهم عاوزة ايه
قطع كلامهم صوت رنا وهي بتقول
- اخصاوا بقا انا جعت قوي و تعبت عاوزة انام
رفع عاصي حاجبية وقال بأسلوب أمر
+ يلا معايا علي الفيلا وبلاش صوتنا يطلع اكتر من كده

+ تمام هاجي معاك بس يكون في علمك البت الصفرا اللي هناك دي لو اتكلمت انا مش هسكت ليها هي بقا اللي لعبت في عداد عمرها طلبتها ونالتها وانا اصلا عفاريت الدنيا بتنططت في وشي
دخلوا جميعا للفيلا ودخلت روز ورائهم ورأسها مرفوعة لاعلي
قالت مروة مندفعة كل ده علشان تيجوا انا هم*وت من الجوع وقطعت كلامها عندما لمحت روز معهم
نظرت لها بحقد وقالت :

- مش كنت تقول يا عاصي أن معاك ضيوف علشان اعمل حسابهم علي السفرة
ابتسمت روز لها وجلست علي السفرة وقالت :
-عندك حق بعد كده لما تحبي تيجي عندنا ادينا خبر اصل احنا فعلا مش بنستقبل الضيوف في اي وقت يلا يا جماعة الاكل هيبرد
اه سوري يا هبه اتفضلي اقعدي احنا بيت كرم و بنفهم في الأصول مينفعش نرد ضيف ساعة اكل
من فضلك ياعاصي خالي حد من المطبخ يحط طبق زياده للضيفة

ثم التفت إلي رنا التي كانت تكتم ضحكاتها وقالت:
ها يا رورو قررتي هتلبسي بكرة ايه ولا لسة انا عن نفسي هلبس الفستان اللي اختار ليا عاصي كان يجنن
قالت الأم :
- مش فاهمة فساتين ايه اللي يتكلموا عنها و عاصي ايه دخله في ده
قالت روز بدلع :
-يا طنط لحقتي تنسي هو مش بكرة فرحنا انا وعاصي
هو في فرح من غير عروسة ما تلبس فستان الفرح بذمتك يا هبه يصح كده

جلست هبه تاكل في نفسها من الغيظ ولم تستطيع الرد عليها
انهمك الجميع في الاكل ولاحظ عاصي أن روز لم تأكل اي شيء ولكنها تتصنع الاكلالفصل الحادي عشر
دخلت روز مع رنا غرفتها
قالت لها رنا :
- علي فكرة يا روز انتي ما اكلتيش حاجة انا اخدت بالي ومش انا بس عاصي كمان علي فكرة الحجر بدأ يدوب
= يعني اية يا ررنا مش فاهمة
-يعني قلب عاصي رق وحب يا روز والبركة فيكي

=طيب سيبك مني يا رنا انتي محبتيش قبل كده
أدمعت عيون رنا وقالت:
- مافيش بنت محبتش بس انا كنت المفروض افهم أن واحده في وضعي ده ماينفعش تحب ولا تفكر اصلا في الحب محدش هيواقف يرتبط بواحده معاقة متقدرش تناول نفسها كوباية مائة
= اللي يشوف كده هو اللي معاق في عقله وقلبه يا رنا المهم يعني حببتي قبل كده احكي بسرعة

- طبعا يا روز حبيت وحبيت قوي كمان كان اول حب في حياتي اول مرة قلبي يدق وعلي دق الحب كانت الكسرة
جلست روز علي السر,,ـــــير وقالت:
متحمسة ها احكي ايه حصل اخلصي احسن هنام منك المفروض بيقولوا أن بكره فرحي ثم تذكرت شئ وقالت:
- ينهار الوان اتصدقي أن نسيت اجيب فستان يلا بقا مش مشكلة. هقضي باي حاجة عندي احنا اصلا بمنمثل المهم احكي ايه اللي حصل في حكايتك
ضحكت رنا بسخرية وقالت: