روز نرمين قدري٢

+ انتي ازاي تخرجي من الاوضة بالمنظر ده اياكي رجلك تخطي برا الأوضة بعد كده بلبس البيت أو البيجامة
جذبت يدها ونظرت له بغضب ولكنها خرجت من الفيلا دون أن تنظر له ورمت بكلامة عرض الحائط
وقف عاصي مكانه وقد تملك منه الغضب
ابتسمت هبه من بعيد فقد شاهدت كل ما حدث بينهم واقتربت من عاصي تبخ سمها في أذنه تقالت بمكر :

= ايه يا عاصي مالك واقف كده وسايب عروستك لوحدها بذمتك ده يوم ينفع وتخرج و تسبها ايه لحقت تزهق منها بالسرعة دي
جز عاصي علي اسنانه وقال:
+هبه لو سمحتي ملكيش دعوة بالي بعمله ادخل اخرج انا حر خليكي في حالك وياريت ملكيش دعوة. بروز خالص
لمحت هبه خالتها تاني من بعيد
تصنعت البكاء وقالت بصوت مرتفع باكي :

= ليه كده يا عاصي انا قلبي عليك ليه المعاملة الوحشة دي لو مش عاوزني هنا قول وانا اخد هدومي وأخرج
بس بلاش تحسسني اني تقيله لحقت تمليك من ناحيتي وتقسي قلبك عليا انا كنت عملتها اي بس علشان تعمل معايا كده
اقتربت خالتها بفزع من حاله هبه وقالت بخوف:
- هبوب مالك يا قلبي من زعلك بس
قالت هبه ببكاء مصتنع

= مافيش يا خالتوا بص واضح أن انا تقيله علي العروسة حقها عاوزة تكون هي ست البيت وتتحكم وتقول مين يقعد ومين يمشي
ظهرت علامات الغضب علي وجه خالتها وقالت:
- مين دي اللي ست البيت هي ناسيت نفسها ولا اية احنا مقعدنها شفقة علشان متترميش في الشارع لكن هتزودها والله ما هبقي علي اي حاجة ولا أنها مرات عاصي و هنشوف مني وش هي مش هتحبه
نظر لهم عاصي و زفر انفاسة بضيق وقال:

+بصي يا امي روز مراتي واللي يزعلها يزعلني و هبه عماله تخترع قصص وتعشها روز لا شغاله دمغها بهبه ولا بالي بتعمله روز عندها الأهم من ده روز دكتورة و حياتها كلها شغل معندهاش وقت تضيعة في كلام فارغ وهي عارفه حدودها كويس وعارفة أنها ضيفة لفترة هنا و علشان اريحكم روز سابت الفيلا كلها وراحت تقعد في الاوضه اللي في اخر الجنينة علشان انا لسة مفكرها بكلام ده كله

نظرت هبه لخالتها و علي وجهها شبه ابتسامة
قالت هبه بزعل :
= .قصدك ايه يا عاصي أنها دكتوره ومعندهاش وقت وانا اللي هايفة و معنديش حاجة تشغلني و شغله دماغي باي ياحاجة
يرضيكي كده يا خالتوا عاصي يقول عليا كده
قالت خالتها :
- خلاص يا هبه بقا متزودهاش وروحي نامي وانت يا عاصي خد بالك ما ينفعش مراتك تبات انهاردة برو أوضتكم عيب قوي في حقك
قال عاصي بغضب؛

- انا اعملها ايه ما كل حد هنا مصمم يحسسها أنها ضيفة مش مرغوب فيها وأن اننا كلنا مقعدنها بدل ما تترمي في الشارع ولولا شرط الوسيه كان زمنها في الشارع فعلا
+ مش هي دي الحقيقه يا عاصي ولا احنا بنتبلي عليها
- ماشي يا امي وهي ريحتكم خالص من الحقيقة دي انا طالع انام علشان جبت اخري
+ يعني هتسبها بتبات هناك
قال لها و هو يصعد الدرج السلم :