روز نرمين قدري٢

- حمداااان انا خلاص جبت الاخر خد ابنك واتفضل من هنا علشان انا مش مسؤل. من رد فعلي بلاش تستفز فيا علشان رد فعلي هيزعلك ثم جذب هبه من يدها ودخل بيها المزرعة واغلق باب المزرعة الرئيسي
ابتسمت هبه بمكر وقالت بدلع:
+انا كنت عارفه يا عاصي أن انا مش هون عليك

وكمان عارفه انك مغصوب علي الجوازة الفقر دي لحد ما تستلم المزرعة بس متقلقش انا جنبك ومش هسيبك و اذا كان علي البت الفلاحة دي معلش استحملها كام يوم بشكلها المنعكش ده
نظر لها عاصي. بغضب وتركها دون أن يتفوه باي كلمة
دخلت هبه المنزل وهي تدندن وعلامات النصر علي وجهها و هي تحمل في داخلها كره شديد لروز و تتوعد لها انها سوف تخرجها من هنا نهائي

دخل عاصي غرفته ولكنه لم يجد روز ضغط علي أسنانه بغيظ و. تملك الغضب منه أقصاه
وكان ذاهبا ليراها في منزلها الصغير ولكنه توقف فجاءة بعد أن سمع صوتها في غرفه رنا و هي تتحدث معاها
طرق الباب ودخل
وجدها تساعد رنا في تبديل ثيابها قفد بذلت رنا مجهود علي قدمها كبير و قد تعبتها
ابتسم بهدوء وقال وهو ينظر لها بأعجاب:
- روز بعد ما تخلصي مع رنا عاوزك متتأخريش

اكتفت روز بهز رأسها ولم ترفع عينيها له
ضحكت رنا بصوت عالي وقالت:
+ الله الله الحب الحب الشوق الشوق عملتي ايه يا رورو مخليه عاصي مش علي بعضه كده اخويا وانا حفظاه عمره ما كان بيجري ورا حد ولا بيدور علي حد أنه يدور عليكي ده اعجاز
ضحكت روز نصف ابتسامة:

= ما تفرحيش قوي كده اخوكي بيدور عليا علشان شكله قدمكم ما هو مينفعش عروسة ليله دخلتها تبقي برا اوضتها عيب في حقه ولا ايه يا رنا
- ياه علي دماغك يا روز يبقي انتي لسة متعرفيش عاصي كويس ، عاصي اخويا لو مش عاوز حاجة مابيهموهوش حد في الدنيا مش تقولي شكله بكرة تفهمي عاصي كويس
ولكنهم سمعوا صوت يأتي من خلفتهم يتحدث بسخرية

- تفهموا ليه بقا أن شاء الله دي مجرد صفقة جواز و هتخلص زي اي عقد شغل عاصي بيمضي عليه و لما يخلص بيرمي العقد في اقرب زباله تقابله
هكذا قالت هبه بعد أن دخلت غرفة رنا بدون استئذان
التفت لها روز وقالت بهدوء مصتنع وهي تجز علي أسنانها :

- بقولك ايه ياللي شبه البلباتشوا انتي قصري الشر و ابعدي عني خالص علشان انا رد فعلي غبي و مش هيهجبك ومش روز اللي تترمي في الزباله وتاني مرة ولو ماخترتيش كلامك وطريقته وانتي بتتكلمي معايا هخليكي شبه الخنفسة المطلقة وانا دكتوره حيوانات ودي لعبتي هشوهلك وش البلباتشوا ده فاحرصي مني انا مش البنت الغلبانه لاء انا روز اللي عملت كل الإمبراطورية اللي انتي عماله تبرطعي فيها شبه الحمار اللي وقع منه الجام بتاعه وعملتها لوحدي