روز نرمين قدري

واحنا تعرفي حصل فينا ايه عشنا ازاي كام. يوم مر علينا واحنا في الشارع رنا كانت طفله عندها يادوب سنتين
البرد والجوع مبيرحومش ولا السخونيه رحمتها وتسببت لها في شلل

بس ربنا كبير يا بنت الأكابر جه اليوم اللي ابوكي جه ذليل لحد عندي يترجاني اشتري المزرعه علشان يسد ديونه جه ليا ذليل بس لعبها صح ربط نقل المزرعة بشرط كاتبه في الوصيه بتاعته لو نفذت الشرط المزرعة بكل اللي فيها ملكي بس للاسف وانا بمضي العقد ما اختش بالي من الشرط ده بس هحلها أن شاء الله

نهرت روز يده بحده من علي وجهها وقالت والغضب قد تملك كل أجزاء جسدها :

- اااايه حيلك اخر مرة ايدك تتحط و اوعا تنسي انا مين انا بحذرك قدام الكل هنا ايدك لو انحطت عليا تاني استحمل اللي هيجرالك و اللي حصل زمان أنا مليش دعوة بيه حساباتك دي تصفيها مع اللي عمل فيكم كده و اظن مكانه ميتوهش الكل عارف جدي فين دلوقتي و علي الشرط اللي بابا حطة في الوصيه انا معرفش عنه حاجة ولا فتحت الوصيه اصلا

ثم تنهدت وقالت وهي ترفع حاجبها :
اه فاهمت علشان كده المحامي كان مصمم أن يفتح الوصيه بعد انت ما تستلم المزرعة
= اسخري من كلامي براحتك بس حياتك اللي فاتت كوم واللي جاي فيها كوم تاني خالص
- بقولك ايه يا بشمهندس يؤسفني أن اقولك أن انا مش هديك فرصة أن تنتقم مني هسبلك الجمل بما حمل المزرعة كلها حلال عليك اديني بقيت فلوسي فرق بيع المزرعة وانا هسبلك المكان كله اشبع انتقام في لوحدك

ضحك عاصي ضحك هستيري ثم تبدلت معالم وجه بحده وقال وهو يجز علي أسنانه:
= نجوم السما اقربلك من الحلم المستحيل بتاعك ده فلوسك بح اعتبري نفسك اخدتيها انا اصلا جاي هنا مخصوص علشانك
قطعت كلامة بحده وقالت :
- لأ معلش وضح كده فلوس مين اللي اعتبر نفسي اخدتها انا اوديك في ستنين داهية في قانون
جلس عاصي ووضع ساق فوق الأخري وقال بهدوء و كأنه مستمتع بغضبها:

= تمام انا قاعد مستني الداهيه اللي هتوديني فيها وبردو هتفضلي تحت رحمتي هتفضلي تشغتلي عندي
أغمضت روز عينيها تمتص غضبها وقالت وهي تحاول تسيطر على غضبها:
- يا بشمهندس من فضلك اديني فلوسي و خلينا نخلص من بعض انهاردة. نكلم المحامي يفتح الوصيه علشان نخلص من الربطة دي و كل واحد يروح لحاله

= انتي ملكيش فلوس عندي اعتبريها تعويض عن اللي حصل زمان فينا من عيلتكم و اذا كان علي مكتوب في والوصيه اي كان المكتوب فا ميهمنيش ابوكي باع لي المزرعة وخلصنا
- انت يابني عيان عاوز تتعالج شوفلك دكتور نفسي يعالجك بدل ما انت ما طلع امراضك النفسية دي علينا انا هكلمك المحامي علشان يجي يخلص كل حاجة ونخلص بقا