روز نرمين قدري

ولكن قطع كلامة دخول روز بملابس الشغل وكانت عبارة عن بنطال يخفي نصفة حذاء برقبة مرتفعة و بلوزة واسع من الشيفون وبالطوا ابيض
قالت بصوت مرتفع :
- خير سمعة حضرتك وانا داخلة بتجيب سيرتي خير
نظر لها من أعلي لاسفل وقال:
- هو انتي بقا روز بنت الحاج رضوان
ابتسمت نصف ابتسامة بسخرية وقالت:

- اه انا بقا الدكتورة روز بنت الحاج رضوان وانت بتكون عاصي ابن عم جلال الجانيني صح عرفتك من اول ما شوفتك نازل من العربية
استشاط عاصي غيظا وقال وقد احمر وجه من الغضب
اه أنا البشمهندس عاصي صاحب المزرعة والفيلا
رفعت حاجبها بكبرياء وقالت:
- اه منا عرفت ان انت اللي اخدت مزرعتنا
ضحك بسخرية متعمده وقال:
_ كانت مزرعتكم يا آنسة لكن دلوقتي انتي مجرد دكتوره شغاله عندي وممكن استغني عنك واجيب اي دكتور غيرك انتي

ثم اكمل بنبرة استهزأ:
_ منبتعمليش حاجة مستحيلة اي دكتور لسة متخرج هيعمل اللي انتي بتعمليه لكن علشان احنا عندنا اصل مش هنرميكي برا زي غيري ما عمل و هشفق عليكي وكفايا عليكي ان سمحتلك بالبيت الصغير الي في اخر المزرعة
نطقت أمه وعلامات الكره واضحة عليها :
- عاصي كفايا كده الدكتورة روز ملهاش ذنب في اللي حصل زمان هي كانت صغيرة مش فاهمة
التفت لها عاصي وهو في قمة غضبة وقال:

- ولا احنا كان لينا ذنب في الي حصل زمان ومع كده انا وانتي ورنا دفعنا التمن و ما كنش لينا ذنب بابا مات علي بوابة الفيلا هنا وكأنه شريط بيمر قدامي بعد ما جدها اتهم ابويا بلسـ,ـرقة وجلده قدمنا وكل ده ليه علشان اخد من الحظيرة كام بيضة وشوية لبن يسد جوعنا فاكر يا امي وكأن اللي حصل ده بيحصل حالا،

رنا كانت مم*وته نفسها من العياط كان الجوع بينهش فيها ومش عارفة تسكت وكانت حرارتها وصلت أربعين ومش عارفين نعالجها

وابويا كان قليل الحيله مش في ايده حاجة غير أنه يروح يجيب كام بيضة يسد بيهم جوعنا وطبعا الوضع معجبش الباشا الكبير ازاي حتة جنايني ياخد حاجة من أملاك الباشا حتة الجانيني الحقير اللي اتجراء واخد كام بيضة بدون إذن لازم يتعاقب
ثم التفت اللي روز وامسكها من وجهها بشده و بداء بضغط عليه وقال:
-عارفة عقابه كان ايه ها عارفه ولا اقولك

عقابه أن جدك ماسك كرباج وجلد ابويا قدمنا ومرحمش جوعنا ولا بكائنا ولا حتي مرض اختي شفعله ولا تذللات ابويا وأنه ميكسرهوش قدمنا لكن جدك بكل جبروته ازي يتنازل ويسامح لكن أصر علي جلده وكسره إن الإنسان لا يرث الكرامة ولا المهانة بل يصنعها بنفسه لاء ومستكفاش بكده كرشنا من الشغل ابويا ما استحملش كل الاهانه دي وقع قدمنا مات علي باب المزرعة