روز نرمين قدري

وفي الصباح ابدلت روز ملابسها وذهبت لعملها المعتاد في المزرعة فاهي دكتور بيطري وهذا من صميم عملها أن تراعي جميع الحيوانات
لاحظت حركة غير معتاده في المزرعة يبدو أن المالك الجديد قد وصل فعلا
ذهبت مسرعة لتستكشف هاويت المالك

وقفت بجوار عمود تتلصص النظر شاهدت سيارة ضخمة من اغلي الماركات يجلس على عجلة القياده شاب مفتول العضلات في الثلاثين من عمره و بجواره سيدة في العقد الرابع من عمرها وتبدو علي معالم وجهها الحده و في الخلف تجلس فتاه في أواخر العشرينات نزل الشاب من السيارة وانزل الكرسي المتحرك وحمل الفتاه ثم وضعها فوق الكرسي

وقفت روز تسترق النظرات وتحاول التدقيق في الشاب لكي تستشف من نظرات عينية اي شيء يدل علي شخصيته ولكن كانت ملامحة خاليه من اي تعيبرات ولكن يوجد بعينيه قسوة ممزوجة بحزن
تنهدت روز وذهبت لإكمال عمالها وقلبها يرتجف من الذي سوف يأتي والمؤشرات تدل علي أنه ليس بخيرالفصل الثاني
دخل عاصي فيلات المزرعة وهو يدفع الكرسي المتحرك اللي الامام ودخلت بجوارة السيد العجوز أمه وهي تحمل اغراضها

قالت الفتاه الجالسة علي الكرسي المتحرك و هي تنظر حولها تتأمل المكان قالت وهي تبتسم:
- الله يا عاصي المكان هنا يخبل تحفة بجد كأنه لوحة مرسومة و الفيلا كمان بجد احسن قرار اخدته اننا نسيب مصر ونيجي نقعد هنا بجد شكلي هرتاح قوي هنا
نظر لها عاصي نظرة رضا ثم نقل نظرة اللي ولدته كأنه يقول لها اصبري الحساب لسة هيبدا

تنهدت أمه وكأنها تقراء ما يريد أن يقوله و هي تنظر له نظرات شفقة علي حاله وفي داخلها هي أيضا الانتقام فمرار الظلــ,,ـــــم كان شديد عليها و ما مرت به كان قاسي لابعد حد
اجتمع كل الخدم أمام عاصي وعائلته ولكن عين عاصي تبحث عن شيء ما قال وهو يزفر انفاسة بضيق
- كل واحد يعرف نفسةللهانم الكبيرة
بدأ كل العاملين في المزرعة و في الفيلا بالتعريف عن هوايتهم وعن وظيفتهم
نظر لهم عاصي ثم قال :

- من فيكم بنت الحاج رضوان صاحب المزرعة القديم
نطق كبير العمال الذي يدعي عمار وقال :
- حضرتك تقصد الدكتورة روز لا يا استاذ عاصي الدكتورة دلوقتي بتكون في الأساطبل معاد الكشف الدوري الاحصنه
رفع عاصي حاجبية وقال متعجبنا :
- يا سلام و جناب البرنسيسة مكنش ينفع تأجل الشغل العظيم اللي بتعمله وتيجي تتعرف علي صاحب شغلها الجديد ولا الهانم مستغنية عن الشغل ولا هي مستكبرة تيجي تسلم علينا
عدل عمار نظارته الطبية وقال بارتباك:

-لا ابدا استاذ عاصي بس الدكتورة بتحب الانضباط في المواعيد هي مقسمة يومها كله علي المزرعة وكل حاجة ليها معاد ودلوقتي معاد مرور الأساطبل
ضحك عاصي بصوت مرتفع ثم قال بصوت حاد :
- الكلام الفارغ ده كان زمان دلوقتي انا اللي اقول ايه يتعمل وفي الوقت اللي انا احدده خلاص ايام زمان خلصت والهانم اللي عماله تحط مواعيد علي كيفها تنسي الكلام الفارغ ده حد يجري ينده لها