حافية على اشواك 4 زينب مصطفي

شهقت شمس وهي تحاول الابتعاد عنه و تقول بخجل شديد..
= على فكره انت قليل الادب ..
ض. مها بيجاد بشغف شديد إليه وهو يقول بجديه شديده..
=وإلي عملته معاكي ده كان اقل حاجه ممكن اعملها لما اسمع منك كلمة طلقني..
شهقت شمس بدهشه..
=وهو انت كنت عاوز تعمل فيا ايه اكتر من كده..
اقترب بيجاد من شفتيها وهو يهمس فوقهم بشغف . .

= لا دا انا كنت هعمل كتير... استني وانا هوريكي جزء من الي كنت هعمله ...
ثم استولى على شفتيها في قبله عاشقه ملهوفه بثها فيها كل حبه وعشقه ولهفته عليها . .

بعد بعض الوقت..نزلت شمس والتي ارتدت فستان زهري اللون أنيق ومناسب لها برفقة بيجاد الذي لف يده حول خصرها بتملك فدخلت الى غرفة المعيشه الكبيره لتجد والدتها تجلس برفقة ميرنا التي وقفت بتوتر عند مشاهدتها لشمس وبيجاد يدخلون إلى الغرفه..فساعد بيجاد شمس على الجلوس ثم جلس امامها على عقبيه وراحة يدها الصغيره تستقر بين كفيه وهو يقول بحنان.

.ميرنا جايه النهارده يا حبيبتي عشان تعتذرلك عن الي عملته معاكي ..ثم وقف وأشار لابنة عمه التي تقدمت بتردد من شمس وقد شحب وجهها وقالت بصوت واهي..انا ..انا اسفه..انا مكنتش اعرف انك مرات بيجاد و ..إلا أنها صمتت برعب عندما قاطعها بيجاد بصرامة شديده..احنا اتفقنا انك تعتذري و تقولي الحقيقه..

دا لو عاوزاني اسامحك زي ما سامحت والدك لما جه واعترفلي باتفاقه الخايب مع حامد وهو فاكر أنه هيساعده في أنه يخلصه من شمس عشان اتجوزك . فياريت تتكلمي بصراحه ومن غير كدب.شهقت نبيله برعب ..يتخلصوا من شمس. يتخلصوا منها ازاي..بيجاد بصرامة ..بنفس الطريقه القذره الي عملوها معاكي بالابتزاز ..هددوه أنهم هيكشفولي شوية سـ,ـرقات خايبه هو عملها في الشغل . .

وهو ميعرفش اني عارف عنها كل حاجه وسايبه بمزاجي عشان دول شوية فلوس ميستهلوش اني اخسره عشانهم.. وهو طبعآ خاف ونفذ الي قالوله عليه خصوصا انهم طمعوه بانهم هيساعدوه اني اتجوز ميرنا ..بس لما عرف أنهم حاولوا يقت.....لوا شمس ويق....تلوني جاني ندمان واعترفلي بكل حاجه ..صمتت نبيله وقد بهت وجهها وهي تدرك حجم الخطر الذي كان يحيط بابنتها من كل جانب.

.بينما قال بيجاد بقسوه...انا سامعك يا ميرنا...إلا أن شمس هي من أجابت بصوت متردد وقد شعرت بالشفقه وهي تشاهد ميرنا التي شحب وجهها بشده وارتجفت شفتيها وكأنها على وشك البكاء..خلاص بقى يا بيجاد ماهي اعتذرت أخيه وانا خلاص مسمحاها ..بيجاد بصرامه وهو يتجاهل حديث شمس ويشيرلها بالاقتراب ..هفضل مستني كتير..اقتربت ميرنا من شمس ووقفت امامها محنية الرأس وهي تقول بانكساروق بدأت دموعها بالتساقط .

.أنا ..انا اسفه يا شمس على الي عملته فيكي ..انا عملت كده عشان اتغظت ان في واحده قدرت تعملالي انا مقدرتش اعمله ..يعني انتي خلتيه يحبك ويتجوزك وبسرعه غريبه وعشان كده انا سمعت كلام تالا وحاولت اخرجك من القصر بأي شكل
ثم تابعت ودموعها تتساقط ..بس انا كنت فاكره أنها هتديكي قرشين وتمشيكي مكنتش اعرف انها هتحاول تق.....تلك..ثم صمتت قليلا وهي تقول بندم..ارجوكي سامحيني ..