كريم بغل : عارف كل دا ليه عشان كل حاجة ل أدهم النجاح له و السلطة و الفلوس والاسم والحب كل حاجة كانت ليه هو وانا ولا كأنى موجود دايما شايفنى الشاب المستهتر اللى لا يعتمد عليه انا فين من كل دا كل اللى همك أدهم
حاتم : عشان كدا تكره اخوك وتخونه تأذى اكتر قلب حبك بصدق
امينه : خلاص يا حاتم كفاية
حاتم بغضب انا سيبهالكم و رايح الشركة بس صدقنى يا كريم المرة دى لو أدهم اتأذى بسببك هتندم على اللى هتشوفه منى
وتركهم و ذهب إلى الشركة ….
كريم فى نفسه : دايما هيكون أدهم واقف فى طريقى
…….. بعد مدة من الوقت ………
استيقظت عشق ولكن وجدت أدهم مازال نايم
عشق وهى تنظر اليه وتضع يدها على رموشه السوداء
عشق بتوهان : تعرف موقعنيش غير الرموش دى
أدهم : احم احم وقعتى فين طايب
عشق بخضة : اى دا انت صاحى
أدهم بابتسامة : ايوة عشان اعرف انتى وقعتى فين ها قولى يلا
عشق بتوتر وهى تجرى على الحمام : لا مفيش قوم يلا
أدهم بضحكة رجوليه لأول مرة : ماشى بكرة تقعى تحت ايدى
بعد شوية خرجت عشق من الحمام و جلست بجانب أدهم ومسكت يديه
أدهم : خير يا عشق عاوزة تقولى حاجة
عشق بتردد : بصراحة ايوة بس بس ….
أدهم : م تقولى يا عشق فى اى
عشق : بصراحة يا أدهم كنت عوزاك تعمل العملية و تدى لنفسك فرصة من تانى يمكن يكون فى امل
أدهم بغضب : ………
يتبع..
.
الحلقة 5
.
عشق : بصراحة يا أدهم كنت عوزاك تعمل العملية و تدى نفسك فرصة من تانى
أدهم بغضب : ليه يا عشق مش متقبلانى كدا ولا تكونى مشفقة عليا زيهم شيفاني قليل صح انطقى
عشق بصوت باكى : صدقنى لا يا أدهم انا عاوزاك تحاول ويكون عندك عزيمة عوزاك ترجع زى الاول انت عمرك م كنت قليل يا أدهم فى نظرى بس لازم تاخد بالاسباب
أدهم بوجع : انتى متعرفيش انا مدمر ازاى يا عشق انتى متعرفيش سبب اللى خلانى فقدت النور من عيونى انا مبقتش بثق فى حد بقيت بخاف احب و اتحب بقيت عاوز ابعد عن الكل
عشق وهى مازالت تمسك يده : بص يا أدهم خلينا أصدقاء مقربين ونكون دايما مع بعض جرب بس تدينى فرصة وصدقني مش هتندم
أدهم : موافق يا عشق
عشق : بس انا عندى شرط
أدهم : اى هو ان شاءالله
عشق : كحو*ل ممنوع و لازم تنتظم فى الصلاة ونصلى سوا علطول
وتقرب من ربنا اكتر عشان تقدر تغير حياتك
أدهم : حاضر ياست عشق
عشق ببراءة : حاجة كمان
أدهم : كدا كتير بس قولى يا ست عشق
عشق : انا عرفت ان عندك شركة وتعبت فيها كتير وبعد الدــ,,ـــــادثة سيبت شغلك فيها صح
أدهم : ايوا بس ليه يعنى
عشق : ارجع شغلك و لازم تشرف على كل حاجة وشوف اكتر حد تثق فيه يكون معاك يطلع على الأوراق وكل حاجة ورجع شغلك زى الاول وكمل طريقك ومش تخلى اى حاجة توقفك
أدهم : موافق بس المرة دى انا اللى عندى شرط وهو انك تكونى معايا
عشق باندهاش : انا بس …..
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.